आजकाल त्वचेशी संबंधित समस्या अधिक सामान्य होत चालेल्या आहेत. जेव्हा आपण आहाराकडे आणि जीवनशैलीकडे योग्य लक्ष देत नाही, तेव्हा त्याचा परिणाम केवळ आपल्या आरोग्यावरच नाही, तर आपल्या त्वचेवर आणि केसांवरही होतो. कमी वयातच चेहऱ्यावर बारीक रेषा, सुरकुत्या आणि पिगमेंटेशन दिसायला लागले आहेत. तर हे त्वचेतील कोलेजनच्या कमतरतेमुळे होते. त्यामुळे अंतर्गत पोषणासोबतच त्वचेची बाहेरील काळजी घेणेही आवश्यक आहे. तर आजच्या लेखात आपण कोलेजन क्रीम कसे बनवायचे हे जाणून घेणार आहोत. कोलेजन बनवण्यासाठी फक्त तीन गोष्टींची आवश्यकता असते. ही घरगुती कोलेजन क्रीम केवळ सुरकुत्या कमी करणार नाही, तर तुमची त्वचा मऊ देखील करेल.
कोलेजन क्रीम बनवण्यासाठी लागणारे साहित्य
ही घरगुती क्रीम बनवण्यासाठी तुम्हाला 2 मोठे चमचे तांदळाचे पाणी, 1 मोठा चमचा कोरफड जेल आणि 1 व्हिटॅमिन ई कॅप्सूल लागेल.
तांदळाचे पाणी कसे बनवायचे?
तुम्ही 2 मोठे चमचे कच्चा तांदूळ स्वच्छ धुवून अर्धा कप पाण्यात 30 मिनिटे भिजवून ठेवावा. त्यानंतर हे पाणी एका भांड्यात गाळून घ्या.
कोलेजन क्रीम कसे बनवायचे?
एका भांड्यात 2 मोठे चमचे तांदळाचे पाणी आणि 1 मोठा चमचा कोरफड जेल घ्या. नंतर त्यात 2 मोठे चमचे व्हिटॅमिन ई तेल टाका आणि तिन्ही गोष्टी पूर्णपणे एकजीव होईपर्यंत चमच्याने चांगले मिक्स करा. तुम्ही यासाठी व्हिस्कर किंवा ब्लेंडरचाही वापर करू शकता.
View this post on Instagram
कसे वापरायचे?
ही कोलेजन क्रीम एका लहान काचेच्या बाटलीत साठवून ठेवा. दररोज रात्री चेहरा स्वच्छ धुतल्यानंतर, ते चेहऱ्यावर आणि मानेवर लावा आणि काही मिनिटे हलक्या हाताने मालिश करा. रात्रभर तसेच राहू द्या. काही दिवसांतच, तुमची त्वचा केवळ चमकदारच नाही, तर मऊदेखील दिसेल.
या गोष्टी खाणे फायदेशीर आहे
कोलेजन वाढवण्यासाठी, तुम्ही आवळा, संत्री, लिंबू, पेरू आणि विविध प्रकारची बेरी यांसारखे व्हिटॅमिन सी समृद्ध पदार्थ खावेत. अमिनो ॲसिडसाठी, बदाम, काजू, चिया, सोयाबीन आणि सूर्यफुलाच्या बिया खाव्यात. यामुळे इतर अनेक जीवनसत्त्वे, खनिजे आणि चांगले फॅट्स मिळून तुमच्या आरोग्याला लक्षणीय फायदा होतो.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply