अमेरिका, इस्त्रायल आणि इराणमध्ये युद्ध सुरू आहे. हे युद्ध सुरू होऊन एक महिना झाला आहे. मात्र अजूनही युद्धविराम झालेला नाही. या युद्धामुळे मध्य पूर्वेत मोठा तणाव निर्माण झाला आहे, या तणावाचा मोठा फटका हा जगातील जवळपास सर्वच देशांना कोणत्या न कोणत्या रुपात बसत आहे. हे युद्ध आता लवकरात लवकर थांबावं अशी संपूर्ण जगाची इच्छा आहे. मात्र इराण आता कोणत्याही परिस्थितीमध्ये अमेरिकेसोबत युद्धविराम करण्यास तयार नाहीये. अमेरिकेचा युद्धविरामाचा प्रस्ताव देखील इराणने फेटाळून लावला आहे, आता आमच्या अटींवरच युद्धविराम होईल असं इराणने म्हटलं आहे.
मात्र आता इराणमधून मोठी बातमी समोर आली आहे, ही बातमी समोर येताच इराणला जबरदस्त हादरला बसला आहे. तो म्हणजे इराणच्या माजी राष्ट्रपती आणि परराष्ट्र मंत्र्यांवर आपल्याच देशासोबत गद्दारी केल्याचा आरोप करण्यात आला आहे. इराणचे माजी परराष्ट्र मंत्री मोहम्मद जवाद जरीफ आणि माजी राष्ट्रपती हसन रूहानी यांच्यावर देशासोबत गद्दारी केल्याचा तसेच ते अमेरिकेचे एजंट असल्याचा आरोप करण्यात आला आहे. हा इराणसाठी मोठा झटका मानला जात आहे.
इराणचे माजी परराष्ट्र मंत्री मोहम्मद जवाद जरीफ यांनी युद्धविरामासाठी पुढाकार घेत अमेरिकेला एक युद्धबंदीचा प्रस्तावर पाठवला होता. त्यानंतर आता जवाद जरीफ यांच्यावर अमेरिकेचे एजेंट असल्याचा आरोप होऊ लागला आहे. तसेच मोहम्मद जवाद जरीफ आणि माजी राष्ट्रपती हसन रूहानी यांच्याविरोधात इराणच्या रस्त्यांवर जोरदार आंदोलन देखील सुरू झाले असून, इराणच्या प्रशासकांना या दोन्ही नेत्यांबद्दल संशय आहे.
दरम्यान इराणच्या स्थानिक मिडिया रिपोर्टनुसार याविरोधात इराणचे खासदार हामिद रसाई यांनी कोर्टात धाव घेतली असून या दोन्ही नेत्यांना तातडीने अटक करण्यात यावी अशी मागणी त्यांनी केली आहे. मोहम्मद जवाद जरीफ यांचं विधान हे देशाविरोधात आहे, असा दावा त्यांनी कोर्टात केला आहे. दरम्यान त्यानंतर आता इराणमध्ये जोरदार आंदोलनाला सुरुवात झाली आहे. नागरिक रस्त्यावर उतरले असून, या दोन्ही नेत्यांच्या अटकेची मागणी सुरू आहे.
Leave a Reply