नीसर्गात असे काही कीटक, सुक्ष्मजीव आहेत जे आपल्यासाठी खूप महत्त्वाचे आणि लाभदायक असतात. परंतु आपल्या अवतीभोवती असेही काही कीटक असतात ज्यामुळे आपल्याला अनेक गंभीर आजार होऊ शकतात. अशाच एकाच क्ष्म कीटकामुळे आपल्याला खूप विचित्र असा आजार होतो.
हा आजार एकदा झाला की त्याबाबत बोलायचीही लाज वाटते. आपली त्वचा कोणी पाहिली की आपल्या खूपच हिरमुसल्यासारखे वाटते. त्यामुळे हा आजार होऊच नये यासाठी काळजी घेणे गरजेचे आहे. या आजाराचे नाव खरूज असे आहे. हा आजार इच माईट्स या सूक्ष्म कीटकामुळे होतो. हा आठ पायांचा एक कीटक असतो.
हा कीटक उघड्या डोळ्यांनी दिसत नाही. परंतु एकदा का कीटक त्वचेवर बसला की तो आपल्या त्वचेलाच त्याचं घर बनवतो. त्वचेखाली ते अंडी घालतात. त्यामुळे अंगाला खूप खाज येते. रात्री हा त्रास जास्त वाढतो. तरुण मुले, वृद्ध यांना हा आजार होण्याचे प्रमाण जास्त आहे.
या कीटकामुळे त्वचेला फोड येणे, त्वचेला खाज येणे असे आजार होतात. वेळीच उपचार केल्यावर या कीटकापासून मुक्ती मिळू शकते. तसेच खरुज हा आजारही नाहीसा होऊ शकतो. हा आजार होऊ नये यासाठी स्वच्छ कपडे वापरावेत. बेडही स्वच्छ ठेवावा. दुसऱ्यांचे कपडे वापरू नये.
(टीप- या लेखातील सर्व माहिती ही प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा)
Leave a Reply