आयपीएल 2026 स्पर्धेत लखनौ सुपर जायंट्स फ्रेंचायझीची बांधणी सुमार झाल्याची चर्चा क्रीडाप्रेमी आणि तज्ज्ञांमध्ये रंगली आहे. त्याचे परिणाम आता मैदानातही दिसू लागले आहेत. लखनौ सुपर जायंट्सचा पहिल्याच सामन्यात दारूण पराभव झाला. 1 एप्रिलला लखनौच्या इकाना स्टेडियममध्ये दिल्ली कॅपिटल्स आणि लखनौ सुपर जायंट्स यांच्यात सामना खेळला गेला. या सामन्यात दिल्ली कॅपिटल्सने लखनौला 6 विकेट राखून मात दिली. या सामन्यातील पराभवानंतर संजीव गोयंका, कर्णधार ऋषभ पंत आणि हेड कोच जस्टीन लँगर यांचा चर्चेचा फोटो व्हायरल झाला होता. या फोटोवरून संजीव गोयंका नाराज असल्याची चर्चा सोशल मीडियावर रंगली. कारण या आधीही 2024 आयपीएल स्पर्धेत असाच वाद झाला होता. पराभवानंतर संजीव गोयंका कर्णधार केएल राहुलवर भडकले होते. त्यानंतर खूपच ट्रोल झाले होते. तसंच काहीसं घडलं असावा असा अंदाज बांधला जात आहे. त्यावर आता लखनौ सुपर जायंट्सने स्पष्टीकरण दिलं आहे.
लखनौ सुपर जायंट्सचं स्पष्टीकरण
आयपीएल स्पर्धेत लखनौ सुपर जायंट्सने सामन्यानंतर व्हायरल झालेल्या फोटोवर स्पष्टीकरण दिलं आहे. व्हायरल फोटोतून मांडली जाणारी थेअरी अर्धसत्य असल्याचं म्हंटलं आहे. यासाठी लखनौ सुपर जायंट्सने एक व्हिडीओ पोस्ट केला आहे. सामन्यानंतर काय झालं? त्याबाबतचा हा व्हिडीओ आहे. व्हिडीओनुसार, सामना संपल्यानंतर ऋषभ पंत मैदानाबाहेर येतो. तेव्हा तिथे उभ्या असलेल्या संजीव गोयंका यांची गळाभेट घेतो. तसेच प्रशिक्षक जस्टीन लँगर यांच्या चेहऱ्यावरही हसू असते. व्हिडीओ कॅप्शनमध्ये लिहिलं की, ‘प्रत्येक गोष्ट जी तुम्ही पाहता ती खरी नसते. हे सामन्यानंतरचे कोणतेही फिल्टर न लावलेले क्षण आहेत, जिथे कॅमेरे बंद होत नाहीत.’
Not everything you see is the true story, here’s the unfiltered post match vibes, when cameras don’t cut. pic.twitter.com/EiPMWrmlkQ
— Lucknow Super Giants (@LucknowIPL) April 2, 2026
व्हिडीओ पोस्ट केल्यानंतर नेटकऱ्यांनी पुन्हा एकदा उलट तपासणी सुरू केली आहे. युझर्संनी या व्हिडीओवर कमेंट्स देण्यात सुरूवात केली आहे. एका युजर्सने लिहिलं की, ‘हे शूट करण्यासाठी त्यांनी पंतला हॉटेलच्या रूममधून परत बोलावले.’ असाच काहिशा प्रतिक्रिया इतर युजर्संनी नोंदवल्या आहेत.
Rishab Pant was called back to recreate the scene like Drishayam 2 Oct pic.twitter.com/aCtErPmkdn
— Laal kaptaan (@ajay_dhojak07) April 2, 2026
Damage control level: Expert
Called the whole squad back for reshoot? Respect the effort tho.— Mayank Pandey (@mayank5885) April 2, 2026
लखनौ सुपर जायंट्सने पहिला सामना गमावल्यानंतर दुसऱ्या सामन्याची तयारी सुरू झाली आहे. दुसरा सामना सनरायझर्स हैदराबादशी होणार आहे. हा सामना 5 एप्रिलला होणार आहे. हा सामना हैदराबादच्या राजीव गांधी आंतरराष्ट्रीय स्टेडियममध्ये होणार आहे. त्यामुळे लखनौ विजयासाठी खूपच मेहनत घ्यावी लागणार आहे.
Leave a Reply