साऊथ सुपरस्टार थलपती विजयवर पत्नी संगीताने विवाहबाह्य संबंधाचा आरोप करत कोर्टात घटस्फोटासाठी याचिका केली होती. त्यानंतर काही दिवसांतच विजय ‘एजीएस’ या चित्रपटाचे निर्माते कलपथी सुरेश यांच्या मुलाच्या रिसेप्शनमध्ये अभिनेत्री तृषा कृष्णनसोबत येऊन सर्वांचं लक्ष वेधलं. या रिसेप्शन पार्टीमध्ये विजय आणि तृषाला एकत्र पाहून सर्वांच्याच भुवया उंचावल्या होत्या. कारण पत्नी संगीताने एक्स्ट्रा मॅरिटल अफेअरचे आरोप केल्यानंतर सोशल मीडियावर विजय आणि तृषा यांचीच सर्वाधिक चर्चा होती. सोशल मीडियावर या दोघांचे फोटो आणि व्हिडीओ तुफान व्हायरल होत आहेत. रिसेप्शनमध्ये पार्टीमध्ये विजय आणि तृषा एकत्रच पोहोचले होते. यावेळी विजयच्या हातात पुष्पगुच्छ होते, तर तृषा इतर पाहुण्यांची गळाभेट घेताना आणि हस्तांदोलन करताना दिसली.
विवाहित जोडप्याला शुभेच्छा देण्यासाठी विजय आणि तृषाला एकत्रच मंचावर गेले आणि त्यांनी सोबत फोटोसुद्धा क्लिक केला. यावेळी मंचावर विजय आणि तृषा बाजूबाजूलाच उभे होते. त्यानंतर ते कार्यक्रमातून एकत्रच बाहेर पडले. चेन्नईमध्ये हा रिसेप्शन सोहळा आयोजित करण्यात आला होता. यावेळी विजयने बेज रंगाचा शर्ट आणि त्याच रंगाची धोती नेसली होती. तृषाने बेज आणि सोनेरी रंगाची साडी नेसली होती. या व्हिडीओवर नेटकऱ्यांनी विविध प्रतिक्रिया देण्यास सुरुवात केली आहे.
पहा व्हिडीओ-
செம ஸ்மார்ட் இருக்க அண்ணா நீ @actorvijay
#ThalapathyVijay𓃵 #TVKVijay pic.twitter.com/NyQMwmdS0v
— Sunil-TVK
(@vijaysunil012) March 5, 2026
‘तुझ्याकडून ही अपेक्षा नव्हती, आमचा विश्वास मोडलास’, असं एकाने लिहिलं. तर ‘हे तर आता अतिच झालं.. दोघांनीही थोडा विचार करायला हवा’, असं दुसऱ्याने म्हटलंय. विजयची पत्नी संगीताने त्याच्यावर एका अभिनेत्रीशी विवाहबाह्य संबंध असल्याचा आरोप केला होता. गेल्या दोन वर्षांपासून विजय आणि त्याची पत्नी वेगळे राहत आहेत. घटस्फोटाच्या चर्चांदरम्यान विजयचा मुलगा जेसन संजय याने त्याला इन्स्टाग्रामवर अनफॉलो केलं आहे.
संगीता सोरनलिंगमने 24 फेब्रुवारी रोजी चेंगलपट्टू कौटुंबिक न्यायालयात विजयशी घटस्फोट घेण्यासाठी अर्ज दाखल केला आहे. त्यात तिने विजयवर एका अभिनेत्रीसोबत विवाहबाह्य संबंध असल्याचा आरोप केला आहे. त्याचसोबत तिने असाही दावा केला आहे की विजयने तिच्या वैयक्तिक स्वातंत्र्यावर आणि आर्थिक सुरक्षेवर मर्यादा आणल्या आहेत. संगीतानेही याचिकेत असंही म्हटलं आहे की ज्या अभिनेत्रीसोबत विजयचे विवाहबाह्य संबंध आहेत, ती त्याच्यासोबत सोशल मीडियावर सतत आपले फोटो पोस्ट करत होती. यामुळे तिला आणि मुलांना सातत्याने अपमान सहन करावा लागला.
Leave a Reply