अनेकांचं आपल्या आयुष्यात एकदा तरी विमानातून प्रवास करण्याचं स्वप्न असतं. तर काही जण असे देखील असतात जे दररोज किंवा महिन्यातून अनेक वेळा विमानाने प्रवास करतात. तुम्हीही विमानाने प्रवास केलाच असेल. तुम्ही जेव्हा विमानामध्ये प्रवेश करता, तेव्हा सर्वात आधी तुम्ही आपलं सीट शोधता आणि त्यानंतर आपल्या आरक्षित सीटवर जाऊन बसतात. पण तुम्हाला कधी असा प्रश्न पडला आहे का? की तुम्ही कोणत्याही विमाने प्रवास करा, प्रत्येक विमानाच्या सीटचा रंग हा निळाच का असतो? या मागे काही विज्ञान आहे की, हे पूर्वीपासून असंच चालत आलं आहे? आज या सर्व प्रश्नांची उत्तर आपण जाणून घेणार आहोत.
याबाबत एका एअर होस्टेसने माहिती दिली आहे. समोर आलेल्या माहितीनुसार विमानातील प्रत्येक सीट निळ्या रंगाचेच का असते? तर त्यामागे तीन प्रमुख कारण आहेत, पहिलं कारण म्हणजे मेंटेनंस, दुसरं महत्त्वाचं कारण म्हणजे मानसशास्त्र आणि तिसरं ब्रँडिंग. कोणत्याही विमानाच्या उड्डाणापूर्वी एअर लाईन्सच्या स्टाफकडे अत्यंत कमी वेळ असतो. खासकरून जेव्हा विमानाचा प्रवास हा कमी वेळेचा असतो, आणि त्यानंतर लगेचच उड्डाण करायचं असतं, अशा स्थितीमध्ये एक विमान दिवसभरात अनेक चकरा मारतं. मग वेळ कमी असल्यामुळे विमानाच्या सीटला पडलेले डाग किंवा खराब झालेले सीट हे लवकर नजरेस पडावे, जास्त श्रम वाया न जाता, त्याची लगेचच स्वच्छता व्हावी यासाठी विमानाचं सीट हे निळ्या रंगाचं असतं.
दुसरं महत्त्वाचं कारण म्हणजे अनेकजण पहिल्यांदाच विमानानं प्रवास करत असतात. त्यांच्यासाठी विमानाचा प्रवास हा खूपच रोमाचंकारी असतो. मात्र विमानाने उड्डाण करताच त्यांना भीती देखील वाटते. विमानाच्या उड्डाणावेळी आणि लँडिंगवेळी त्यांना भीती वाटते. अशा स्थितीमध्ये रंगाचा तुमच्या मनावर देखील परिणाम होत असते. निळा रंग हा सर्व सामान्यपणे भरोसा आणि शांतीचं प्रतिक आहे. यामुळे प्रवाशांना धीर मिळतो, त्यामुळे विमानाचे सीट हे नेहमी निळ्या रंगाचेच असतात.
सोबतच निळा रंग हा डोळ्यांना देखील चांगला वाटतो. मनाला शांत ठेवण्याचं काम करतो. निळा रंग मुळातच आकर्षित असतो. त्यामुळे विमान देखील आकर्षित दिसतं आणि विमानाचं ब्रँडिंग होण्यास मदत होते.
Leave a Reply