आजच्या धावपळीच्या जीवनात लोकं मानसिक शांती आणि चांगल्या झोप मिळावी यासाठी नैसर्गिक उपाय करत असतात. तर लेमन बाम ही अशीच एक औषधी वनस्पती आहे. ही एक सुगंधी वनस्पती असून तिचा सुगंध लिंबासारखा येतो म्हणूनच या औषधी वनस्पतीला लेमन बाम असे नाव आहे. या हर्बल वनस्पतीचा वापर विशेषतः हर्बल चहा, तेल आणि स्किन केअरसाठीच्या उत्पादनांमध्ये केला जातो. असे मानले जाते की हे हर्बल टी शरीर आणि मन या दोन्हींसाठी फायदेशीर ठरू शकणारे अनेक गुणधर्म आहेत. चला तर मग आजच्या लेखात आपण लेमन बाम शरीराला कोणते फायदे मिळतात ते जाणून घेऊयात.
लेमन बाममुळे शरीराला मिळतात हे फायदे
तणाव आणि चिंता कमी करण्यास मदत करते
लेमन बाम ही एक शांत करणारी औषधी वनस्पती मानली जाते. यापासून बनवलेला चहा प्यायल्याने तणाव आणि चिंता कमी होण्यास मदत होते. बरेच लोकं आराम करण्यासाठी लेमन बाम टीचे सेवन करतात.
झोप सुधारण्यास मदत करते
तुम्हाला रात्री झोपेचा त्रास होत असेल तर लेमन बाम उपयुक्त ठरू शकते. कारण यातील घटकामुळे तुमचं शरीर शांत होते आणि तुम्हाला झोप लागण्यास मदत होते. शांत झोपेमुळे शरीराला आराम देखील मिळतो.
पचनासाठी फायदेशीर
लेमन बाम पचनसंस्थेसाठीही चांगले मानले जाते. लेमन बामपासून बनवलेल्या चहा प्यायल्याने गॅस आणि अपचनासारख्या समस्यांपासून आराम मिळू शकतो.
त्वचेसाठी उपयुक्त
या वनस्पतीत अँटिऑक्सिडंट आणि अँटीबॅक्टेरियल गुणधर्म आहेत, म्हणूनच लेमन बाम पासून तयार तेलाचा वापर काही स्किन केअर उत्पादनांमध्येही केला जातो.
लेमन बामचा वापर कसा केला जातो?
लेमन बामचा वापर सामान्यतः चहाच्या स्वरूपात केला जातो, ज्यासाठी त्याची पाने गरम पाण्यात उकळून प्यायले जातात. याशिवाय बाजारात लेमन बाम तेल आणि कॅप्सूलच्या स्वरूपातही उपलब्ध आहे.
मात्र, कोणतेही आयुर्वेदिक औषध घेण्यापूर्वी डॉक्टरांचा सल्ला घेणे महत्त्वाचे आहे. त्याचे फायदे केवळ योग्य प्रमाणात घेतल्यासच मिळतात.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply