Ram Charan : दाक्षिणात्य सुपरस्टार राम चरणने आपल्या आयुष्यातील नव्या अध्यायाची सुरुवात केली आहे. राम चरण आणि उपासना कोनिडेला पालक झाले असून, या आनंदाच्या क्षणामुळे ते बॉलिवूड आणि टॉलिवूडमधील जुळ्या मुलांचे पालक असलेल्या सेलिब्रिटींच्या यादीत सामील झाले आहेत. याआधी प्रीती झिंटा, नयनतारा, करण जोहर, सनी लिओनी, संजय दत्त यांसारखे अनेक प्रसिद्ध कलाकार जुळ्या मुलांचे पालक बनले आहेत.
बॉलिवूड अभिनेत्री प्रीती झिंटा आणि तिचा पती जीन गुडएनफने नोव्हेंबर 2021 मध्ये सरोगसीद्वारे पालकत्व स्वीकारले होते. या दाम्पत्याने जुळ्या मुलांचे जिया आणि जय यांचे स्वागत केले. सध्या प्रीती झिंटा आपल्या पती आणि मुलांसोबत लाईमलाइटपासून दूर, आनंदी कौटुंबिक आयुष्य जगताना दिसते.
दाक्षिणात्य सुपरस्टार अभिनेत्री नयनतारा हिने दिग्दर्शक विग्नेश शिवन यांच्याशी विवाह केला आहे. लग्नानंतर काही महिन्यांतच सप्टेंबर 2022 मध्ये या जोडप्याने सरोगसीद्वारे जुळ्या मुलांचे स्वागत केले. त्यांच्या मुलांची नावे उयिर आणि उलागम अशी असून, नयनतारा आणि विग्नेश सोशल मीडियावर कुटुंबासोबतचे क्षण शेअर करत असतात.
प्रसिद्ध चित्रपट निर्माता आणि दिग्दर्शक करण जोहर फेब्रुवारी 2017 मध्ये सरोगसीद्वारे जुळ्या मुलांचा सिंगल बाप झाला. त्याच्या मुलांची नावे यश आणि रूही अशी आहेत. करण जोहरने आपल्या मुलांच्या आईबाबत कोणताही खुलासा केलेला नाही आणि ‘मीच माझ्या मुलांसाठी आई आणि वडील दोन्ही आहे’ असे त्याने यापूर्वी सांगितले आहे.
बॉलिवूड अभिनेता संजय दत्त यांना पहिल्या पत्नीपासून त्रिशला दत्त ही मुलगी आहे. त्यानंतर तिसरी पत्नी मान्यता दत्त हिच्यासोबत संजय दत्त जुळ्या मुलांचा पिता झाला. 2010 मध्ये या दाम्पत्याने शाहरान आणि इकरा या जुळ्या मुलांचे स्वागत केले. अभिनेता अधूनमधून आपल्या कुटुंबासोबतचे क्षण चाहत्यांसोबत शेअर करत असतो.
टॉलिवूड अभिनेता मंचू विष्णु आणि त्याची पत्नी विरानिका रेड्डी यांनी 2011 मध्ये जुळ्या मुली अरियाना आणि विवियाना यांचे स्वागत केले. पुढील काळात त्यांनी आपल्या कुटुंबात आणखी दोन मुलांचा समावेश केला. सध्या हे कुटुंब चार मुलांसोबत आनंदी आयुष्य जगत आहे.
अभिनेत्री सनी लिओनी आणि तिचे पती डॅनियल वेबर यांनी आधी एका मुलीला दत्तक घेतले होते. त्यानंतर काही काळातच या जोडप्याने सरोगसीद्वारे जुळ्या मुलांचे स्वागत केले. 2018 साली सनी आणि डॅनियल दोन मुलांचे नोआ आणि एश यांचे पालक बनले. सनी लिओनी अनेकदा आपल्या कुटुंबासोबतचे फोटो सोशल मीडियावर शेअर करत असते.
Leave a Reply