एक धक्कादायक प्रकरण समोर आले आहे. एका तरुणीने तिची आई आणि मावशीचे नग्न अवस्थेतील फोटो बॉयफ्रेंडला पाठवले. आईला कळताच तिने पोलिसात धाव घेतली. तिने मुलीच्या बॉयफ्रेंड विरोधात पोलिसात तक्रार दाखल केली आहे. तिने तक्रारीमध्ये तिच्या २३ वर्षीय मुलीने तिचे आणि मावशीचे खासगी फोटो प्रियकराला पाठवल्याचा आरोप केला आहे. या घटनेमुळे कुटुंबात मोठी खळबळ उडाली असून, पोलिसांनी प्रेमीविरोधात गुन्हा दाखल करून त्याचा शोध घेण्यास सुरुवात केली आहे.
नेमकं काय घडलं?
एका वृत्तवाहिनीनुसार, ही घटना सुमारे एक महिन्यापूर्वीची आहे. मुलीच्या आईने तिला एका तरुणाशी (वरुण उर्फ गिरिधर) व्हिडीओ कॉलवर बोलताना पकडले. मुलीने फोन कट केला, पण आईला शंका आली. त्यानंतर कुटुंबाने मुलीला प्रश्न विचारले आणि फोनचा पासवर्ड मागितला. सुरुवातीला मुलगी टाळाटाळ करत होती, पण नंतर पासवर्ड मिळवण्यात यश आले. फोन तपासताना आईला धक्का बसला. तिचे झोपेत असताना काढलेले खाजगी भागांचे फोटो होते. जे व्हॉट्सअॅपवर वरुणला पाठवले गेले होते. याशिवाय, मुलीने तिच्या मावशीचे (आईच्या मोठ्या बहिणीचे) आंघोळ करताना घेतलेले नग्न फोटो आणि व्हिडीओही वरुणला पाठवले होते.
प्रेमीच्या सांगण्यावरून फोटो शेअर
तक्रारीत म्हटले आहे की, वरुणने मुलीला हे फोटो पाठवण्यास सांगितले होते. मेसेजमधून हे स्पष्ट झाले आहे. मुलीने बीबीए पूर्ण केले असून, तिने एक वर्षापूर्वी वाचन/अभ्यासासाठी फोन मागितला होता, जो कुटुंबाने दिला होता.
घर सोडून पळ काढला
घटना उघडकीस आल्यानंतर मुलगी कुटुंबाशी वाद घालत राहिली. सुमारे एक आठवड्यापूर्वी ती घर सोडून गेली आणि सांगितले की, ती वरुणशी लग्न करणार आहे. कुटुंबाला मुलीची आणि वरुणची पार्श्वभूमी माहित नसल्याने आणि कुटुंबातील महिलांच्या सुरक्षेची भीती असल्याने त्यांनी ५ फेब्रुवारी २०२६ रोजी पोलिसांकडे तक्रार केली. पोलिसांनी वरुणविरुद्ध आयटी कायद्यांतर्गत आणि इतर कलमांतर्गत गुन्हा दाखल केला असून, त्याचा शोध घेत आहेत. ही घटना ऑनलाइन शोषण, खाजगी गोपनीयतेच्या उल्लंघन आणि डिजिटल दुरुपयोगाच्या वाढत्या धोक्याकडे लक्ष वेधते.
Leave a Reply