कौटुंबिक जबाबदाऱ्या आणि घरकाम यामुळे अनेकदा महिला स्वतःची स्वप्ने विसरून जातात. मात्र मुंबईच्या प्रतिभा शर्मा यांनी या चौकटीबाहेर पडून एक प्रेरणादायी प्रवास यशस्वी करुन दाखवल आहे. अनेक बँकांनी कर्ज नाकारल्यानंतरही खचून न जाता, घरखर्चातून केलेल्या बचतीच्या जोरावर त्यांनी आज हजारो महिलांसाठी फिटनेसचे दार खुले केले आहे. एका बाजूला घराची जबाबदारी आणि दुसऱ्या बाजूला उद्योजिका बनण्याची जिद्द यांचा समतोल साधत त्यांनी फिटनेस क्षेत्रात स्वतःची वेगळी ओळख निर्माण केली आहे.
विज्ञान पदवीधर असलेल्या प्रतिभा शर्मा जेव्हा स्वतः आई झाल्या, तेव्हा त्यांच्या लक्षात आले की फिटनेस क्षेत्रात एक मोठी पोकळी आहे. शहरातील बहुतांश जिम आणि फिटनेस सेंटरचे मालक गृहिणी आणि नवीन मातांच्या गरजांकडे पूर्णपणे दुर्लक्ष करतात. घरातील कामांचा व्याप, मुलांच्या वेळा आणि व्यायामासाठी लागणारा वेळ यांचा ताळमेळ बसवणे गृहिणींसाठी कठीण असते. प्रतिभा यांनी हीच गरज ओळखून या महिलांसाठी फिटनेस सेंटर सुरु करण्याचा निर्णय घेतला. महिलांसाठी फिटनेस सेंटर हे केवळ व्यायामाचे साधन नसून त्यांच्या जीवनशैलीचा एक भाग असेल, हीच जाणीव त्यांच्या उद्योजक प्रवासाचा पाया ठरली.
प्रत्येक नवीन उद्योजकाप्रमाणे प्रतिभा यांनीही भांडवलासाठी बँकांचे दरवाजे ठोठावले. मात्र, व्यवसायाचा पूर्वीचा अनुभव नसल्यामुळे आणि तारण (Collateral) देण्यासाठी काहीही मालमत्ता नसल्यामुळे बँकांनी त्यांना कर्ज देण्यास स्पष्ट नकार दिला. हा क्षण त्यांच्यासाठी खचवून टाकणारा होता. पण प्रतिभा यांनी हार मानली नाही. त्यांनी आपल्या आईच्या बचतीच्या सवयींपासून प्रेरणा घेतली. बाहेरुन काही मदत होईल, याची वाट न पाहता, त्यांनी स्वतःचे भांडवल स्वतःच उभे करण्याचे ठरवले. प्रतिभा यांनी अत्यंत शिस्तीने घरखर्चातून दरमहा १५,००० रुपयांची बचत करण्यास सुरुवात केली. तब्बल १८ महिने त्यांनी हा संयम पाळला आणि अखेर व्यवसायासाठी लागणारे सुरुवातीचे भांडवल गोळा केले.
महिलांनी गुंतवणूक करणे महत्त्वाचे
यानंतर ९ जानेवारी २०१७ रोजी प्रतिभा यांनी त्यांच्या स्वप्नातील ११:११ स्लिमिंग आणि फिटनेस सेंटर सुरू केले. सुरुवातीला छोटे असलेले हे सेंटर आज सात वर्षांनंतर खूप मोठे झाले आहे. सध्या या सेंटरमध्ये १,००० हून अधिक महिलांना फिटनेस सेवा दिली जाते. विशेष म्हणजे, यातील ८० टक्के महिला अशा आहेत ज्यांना आधी व्यायामाच्या ठिकाणी सोयीचे वाटत नव्हते. हे केंद्र फक्त वजन कमी करण्यासाठी नाही, तर महिलांचा आत्मविश्वास वाढवून त्यांना आरोग्यदायी जीवन जगण्यास मदत करते
प्रतिभा शर्मा यांची यशोगाथा केवळ फिटनेसपुरती मर्यादित नाही, तर ती आर्थिक स्वातंत्र्याचा धडाही देते. महिलांनी स्वतःमध्ये गुंतवणूक करणे किती महत्त्वाचे आहे, हे त्यांनी आपल्या उदाहरणातून सिद्ध केले आहे. यासोबतच, सामान्य गुंतवणूकदारांसाठी त्यांनी काही महत्त्वाचे मुद्दे अधोरेखित करुनही सांगितले आहेत.
म्युच्युअल फंडात गुंतवणूक कशी कराल?
म्युच्युअल फंडात गुंतवणूक सुरू करण्यासाठी ‘केवायसी’ (KYC) ही एक महत्त्वाची प्रक्रिया आहे, जी एकदाच करावी लागते. ही नोंदणी केवळ ‘सेबी’ (SEBI) कडे नोंदणीकृत असलेल्या अधिकृत कंपन्यांकडेच करा. गुंतवणूकदार कोणत्याही तक्रारीसाठी थेट एएमसीशी संपर्क साधू शकतात किंवा SCORES पोर्टल (https://scores.gov.in) वर तक्रार दाखल करू शकतात. जर निराकरण समाधानकारक नसेल, तर स्मार्ट ओडीआर पोर्टल (https://smartodr.in/login) देखील वापरता येते.
एचडीएफसी अॅसेट मॅनेजमेंट कंपनी ही देशातील एक अग्रगण्य म्युच्युअल फंड कंपनी आहे. २००० सालापासून कार्यरत असलेली ही संस्था लोकांच्या पैशांचे योग्य ठिकाणी (शेअर मार्केट किंवा सरकारी योजना) नियोजन करते. देशभरातील बँका आणि आर्थिक सल्लागारांच्या माध्यमातून ही कंपनी सर्वसामान्य गुंतवणूकदारांना आपली सेवा पुरवते.
Leave a Reply