हिंदू धर्मात कोणत्याही शुभ कार्यक्रम करण्याआधी योग्य वेळ पाहणे जितकं महत्वाचं असतं तितकेच एखाद्या मोठी गोष्टीच्या खरेदीपूर्वी शुभ मुहूर्त पाहणे आवश्यक असते. असे मानले जाते की अशुभ वेळी वस्तू खरेदी केल्याने त्याचा नकारात्मक परिणाम व्यक्तीवर होऊ शकतो. समजा शुभ वेळ न पाहता एक फ्लॅट खरेदी केलात तर त्या वेळेचा वाईट परिणाम व्यक्तीच्या जीवनावर होत असतो. यामुळे आयुष्यात ताणतणाव वाढू लागते. तसेच दररोज संघर्ष निर्माण होऊ शकतो आणि घरात नकारात्मक ऊर्जा वाढू लागते. अशा अनेक समस्या या निर्माण होत असतात.
ज्योतिषांच्या मते, अशुभ वेळेत खरेदी केलेली मालमत्ता असो वा इतर कोणतीही गोष्ट ही समस्या निर्माण करू शकते. जर तुम्हीही मालमत्ता खरेदी करण्याचा विचार करत असाल, तर आजच्या लेखात आपण फेब्रुवारी 2026 मध्ये खरेदीसाठी शुभ मुहूर्त कोण कोणते आहेत ते जाणून घेऊयात.
फेब्रुवारीमधील शुभ मुहूर्त
12 फेब्रुवारी 2026: दुपारी 1 वाजून 45 मिनिटांपासून ते 13 फेब्रुवारी सकाळी 6 वाजून 59 मिनिटांपर्यंत
13 फेब्रुवारी 2026: सकाळी 7 वाजून 04 मिनिटांपासून ते 14 फेब्रुवारी सकाळी 6 वाजून 58 मिनिटांपर्यंत
19 फेब्रुवारी 2026: सकाळी 6 वाजून 59 मिनिटांपासून ते रात्री 8 वाजून 50 मिनिटांपर्यंत
20 फेब्रुवारी 2026: रात्री 08 वाजून 10 मिनिटांपासून ते 21 फेब्रुवारी सकाळी 06 वाजून 52 मिनिटांपर्यंत
26 फेब्रुवारी 2026 सकाळी 06 वाजून 52 मिनिटांपासून ते दुपारी 12 वाजून 09 मिनिटांपर्यंत
27 फेब्रुवारी 2026: सकाळी 10 वाजून 51 मिनिटांपासून ते 28 फेब्रुवारी सकाळी 6 वाजून 45 मिनिटांपर्यंत
मालमत्ता खरेदी करताना ज्योतिषीय सल्ला का महत्त्वाचा आहे?
ज्योतिषशास्त्राचा सल्ला घेतल्याने मनःशांती, सकारात्मक ऊर्जा आणि नकारात्मक प्रभावांपासून संरक्षण मिळते. तसेच खरेदी केलेल्या मालमत्तेत सकारात्मक ऊर्जा वाढविण्यास आणि ग्रहांच्या प्रभावांना संतुलित करण्यास मदत होते.
कोणता दिवस शुभ आहे?
गुरुवार आणि शुक्रवार हे आर्थिक आणि नोंदणीशी संबंधित कामांसाठी सर्वोत्तम मानले जातात, तर सोमवार ते शनिवार हे भूमिपूजन समारंभांसाठी योग्य असतात. रोहिणी, पुष्य, अनुराधा आणि रेवती सारखे नक्षत्र सकारात्मक वैश्विक उर्जेशी संबंधित आहेत.
( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
Leave a Reply