पंतप्रधान शेतकरी सन्मान निधी म्हणजेच पीएम शेतकरी योजनेअंतर्गत पात्र शेतकऱ्यांना दरवर्षी 6000 रुपयांची आर्थिक मदत केली जाते. प्रत्येक टप्प्यात 2000 रुपये याप्रमाणे एकूण तीन टप्प्यांत ही मदत केली जाते.
दरम्यान, या योजनेअंतर्गत पात्र शेतकऱ्यांना 22 व्या हप्त्याचे वितरण झाले आहे. या योजनेत प्रत्येक चार महिन्यांनी या हप्त्याचे पैसे शेतकऱ्यांच्या बँक खात्यात पाठवले जातात. आता शेतकऱ्यांना 23 व्या हप्ता कधी मिळणार याची प्रतीक्षा लागली आहे.
या योजनेअंतर्गत शेतकऱ्यांना लाभ हवा असेल तर त्याआधी शेतकऱ्यांना नियमांचे पालन करावे लागेल. शेतकऱ्यांना आपले आधार खाते बँक खात्याशी संलग्न करून घ्यावे लागेल. तसेच ई-केवायसीही करून घ्यावी लागेल.
वरील प्रक्रिया पूर्ण केल्यानंतरच शेतकऱ्यांना या योजनेअंतर्गत प्रत्येक महिन्याला 2000 रुपये मिळतील. कॉमन सर्व्हिस सेंटरवर जाऊन शेतकरी आपली ई-केवायसी पूर्ण करू शकतात. दरम्यान, आता शेतकऱ्यांना 23 वा हप्ता नेमका कधी मिळणार ते जाणून घेऊ या…
मिळालेल्या माहितीनुसार पीएम किसान योजनेअंतर्गत शेतकऱ्यांना 23 वा हप्ता येत्या जुलै महिन्यात मिळणार आहे. काही तांत्रिक त्रुटींमुळे शेतकऱ्यांना लाभ मिळाला नसेल तर जुलै महिन्यापर्यंत सर्व कागदपत्रे जमा करून त्यांची पूर्तता करावी, असे आवाहन केले जात आहे.
Leave a Reply