अमेरिका आणि इराणमध्ये शांतता करारावर चर्चा होणार आहे. या बैठकीचे आयोजन पाकिस्तानमध्ये करण्यात आले. स्वत: दहशतवादाला समर्थन करणारा देश थेट युद्धबंदी करार करण्याकरिता मध्यस्थी करत आहे. या युद्धात पाकिस्तान अगोदरपासूनच पुढे पुढे करताना दिसला. पाकिस्तानमधून आलेल्या दहशतवाद्यांनी भारताच्या पहलगामध्ये मोठा दहशतवादी हल्ला केला. कायमच पाकिस्तान दहशतवादाला समर्थन करतो आणि भारतात मोठे दहशतवादी हल्ले घडवण्याचा प्रयत्न करतो. तोच पाकिस्तान आज दोन देशांमधील युद्ध रोखण्याकरिता मध्यस्थी करत आहे. इराण आणि इस्त्रायलला दोघांनीही पाकिस्तानची मध्यस्थी पसंत नाही. पण अमेरिकेमुळे पाकिस्तानमध्ये या बैठकीचे आयोजन केले गेले.
वॉल स्ट्रीट जर्नलच्या एका वृत्तानुसार, परराष्ट्र मंत्री अब्बास अराघची आणि संसदेचे अध्यक्ष मोहम्मद बागेर गालिबाफ चर्चेसाठी इस्लामाबादमध्ये दाखल झाले होते. मात्र, इराणकडून स्पष्ट सांगण्यात आले की, असे काही घडलेच नाही. हा दावा पूर्णपणे चुकीचा आहे. ही वृत्ते खोटी असल्याचे इराणकडून सांगण्यात आले. कोणीही पाकिस्तानमध्ये गेले नसल्याचे इराणकडून ठामपणे सांगण्यात आले.
इराणची सरकारी वृत्तसंस्था तस्नीमच्या वृत्तानुसार, परराष्ट्र मंत्री अब्बास अराघची आणि संसदेचे अध्यक्ष मोहम्मद बागेर गालिबाफ दोघेही तेहरानमध्ये आहेत. ते पाकिस्तानमध्ये गेले नाहीत. दोघेही तेहरानमध्ये आपल्या कामात व्यस्त आहेत. मीडियामध्ये चालवले जात आहे की, दोघे इस्लामाबादला पोहोचले आहेत, ते चुकीचे आहे. दोघेही तेहरानमध्ये आहेत. इराणच्या शिष्टमंडळाने फक्त पाकिस्तानला गेलेला दावा फेटाळला नाही तर त्यांनी थेटपणे सांगितले की, सध्या कोणतीही चर्चा शक्य नाही.
इराणकडून स्पष्ट केले की, जोपर्यंत लेबनॉनवरील हल्ले थांबवली जात नाहीत, तोवर कोणतीही चर्चा होणार नाही. इस्त्रायलला कोणत्याही परिस्थितीमध्ये लेबनॉनवरील हल्ले थांबवावी लागतील. इराणच्या फार्स वृत्तसंस्थेनेही याच मुद्द्याचा पुनरुच्चार करत म्हटले की, अमेरिकेशी चर्चा करण्याचा तेहरानचा कोणत्याही हेतू नाही. म्हणजेच काय तर इतक्या पुढे पुढे करणाऱ्या पाकिस्तानच्या हाती शेवटी काहीच लागणार नाही. इराणने चर्चेला नकार दिला.
Leave a Reply