अमेरिकेतील कॅनिअसियस युनिव्हर्सिटी येथे करण्यात आलेल्या एका संशोधनात महिलांच्या झोपेबाबत एक रंजक निष्कर्ष समोर आला आहे.
या अभ्यासानुसार, महिलांना आपल्या पाळीव कुत्र्यासोबत झोपल्यास अधिक आराम, सुरक्षितता आणि मानसिक शांतता मिळते असं समोर आलं आहे.
संशोधकांच्या मते, नवरा आणि बॉयफ्रेंडच्या तुलनेत कुत्रे झोपेत कमी व्यत्यय आणतात. अनेक वेळा जोडीदाराच्या घोरण्यामुळे किंवा सतत हालचालीमुळे झोपमोड होते.
मात्र कुत्रे तुलनेने शांत असतात आणि त्यांचा झोपेचा दिनक्रमही ठरलेला असल्यामुळे मालकाच्या झोपेची गुणवत्ता सुधारण्यास मदत होते.
या अभ्यासात असेही आढळून आले की, कुत्र्यासोबत झोपल्यामुळे महिलांना सुरक्षिततेची भावना अधिक मिळते.
त्यामुळे चांगली झोप आणि मानसिक समाधानाच्या बाबतीत कुत्र्यांनी मानव आणि मांजरी या दोघांनाही मागे टाकल्याचे या संशोधनातून स्पष्ट झाले आहे.
Leave a Reply