राष्ट्रवादी काँग्रेस पार्टीच्या अध्यक्षपदावरून राज ठाकरे यांनी प्रफुल्ल पटेलांना डिवचले होते, पाटील हवा, पटेल नको असे ते म्हणाले होते. यावर प्रफुल्ल पटेल चांगलेच संतापले. राज ठाकरे किंवा इतर कोणी आमच्या पक्षाचा विधिमंडळ नेता किंवा अध्यक्ष कोण असावा, हे ठरवणार का, असा सवाल पटेलांनी केला. “आमच्याबद्दल किंवा आमच्या पार्श्वभूमीबद्दल कोणी टिप्पणी करत असेल, तर त्यांना लाज वाटायला पाहिजे,” असेही ते म्हणाले.
पटेलांनी आपण राष्ट्रीय अध्यक्षपदाच्या शर्यतीत नसल्याचे स्पष्ट केले. त्यांनी अजित पवार गटाच्या राष्ट्रवादीमध्ये राष्ट्रीय अध्यक्ष म्हणून सुनेत्रा पवार यांच्या नावाला पसंती असल्याचे संकेत दिले. सुनेत्रा पवार यांची यापूर्वीच राष्ट्रवादीच्या विधिमंडळ नेत्या आणि उपमुख्यमंत्रीपदी निवड झाली आहे.
Leave a Reply