तुमच्या डोळ्यांचे सौंदर्य वाढवण्यासाठी घरी अशाप्रकारे बनवा वॉटरप्रूफ काजळ

मेकअप लूक पूर्ण करण्यासाठी काजळ लावणे महत्वाचं आहे. कारण काजळ तुमचे डोळे केवळ सुंदरच बनवत नाही तर डोळ्यांवरील घाण साफ करण्यासाठी देखील चांगले मानले जाते. तथापि बाजारात उपलब्ध असलेल्या बहुतेक काजळांमध्ये केमिकल वापरले जाते. तर हे केमिकलयुक्त काजळ केवळ डोळे स्वच्छ करत नाहीत तर डोळ्यांना जळजळ होणे, खाज सुटणे यासारख्या समस्या देखील निर्माण करतात. बरेचजण वॉटरप्रूफ काजळच्या नावाखाली महागडे काजळ खरेदी करतात, परंतु त्यातील केमिकल हे संवेदनशील डोळ्यांसाठी हानिकारक ठरू शकतात.

त्यामुळे सर्वात चांगली आणि सुरक्षित पद्धत म्हणजे घरीच घरगूती पद्धतीने काजळ बनवणे. जर तुमचे डोळे संवेदनशील असतील आणि तुम्ही रोज तुमच्या डोळ्यांना काजळ लावत असाल तर हा लेख तुमच्यासाठी आहे. तर आजच्या लेखात आपण घरी काजळ बनवण्याची आयुर्वेदिक पद्धत जाणून घेणार आहोत, जी वॉटरप्रूफ आहे आणि तुमच्या डोळ्यांना नुकसान पोहोचवणार नाही.

घरगुती काजळ कसे बनवायचे?

घरगुती काजळ बनवण्यासाठी, प्रथम एक दिवा किंवा एक लहान स्टीलची वाटी घ्या. त्यात शुद्ध तूप किंवा नारळाचे तेल मिक्स करा. कापसाची वात थोड जाड ठेवा आणि ती पेटवा. आता एक स्वच्छ स्टीलची प्लेट किंवा वाटी दिव्यावर उलटी ठेवा जेणेकरून त्यातून निघणारा धुर त्या प्लेटवर जमा होईल. काही वेळाने प्लेटवर काळी काजळी जमा होईल. हे स्वच्छ चमच्याने काढा आणि त्यात 12 थेंब शुद्ध तूप किंवा बदाम तेल टाका आणि चांगले मिक्स करा. तुमचे नैसर्गिक आणि केमिकलमुक्त घरगुती काजळ तयार आहे.

घरगुती काजळाचे फायदे

घरगुती काजळ पूर्णपणे नैसर्गिक आहे, त्यामुळे डोळ्यांना जळजळ, खाज सुटणे किंवा लालसरपणा येत नाही. त्यात असलेले तूप किंवा तेल डोळ्यांना थंड करते आणि ओलावा टिकवून ठेवते. नियमितपणे आणि योग्यरित्या लावल्यास घरगुती काजळ डोळ्यांजवळील कोरडेपणा टाळतो आणि अनेकांच्या मते डोळ्यांचा थकवा कमी करण्यास मदत करतो. हे घरगुती काजळ केमिकल काजळांपेक्षा संवेदनशील डोळे आणि मुलांसाठी ते सुरक्षित मानले जाते.

घरगुती काजळ कसे लावायचे

घरगुती काजळ लावण्यापूर्वी तुमचे हात आणि डोळ्यांभोवतीचा भाग पूर्णपणे स्वच्छ करा. स्वच्छ काजळाची काडी, कापसाचा गोळा किंवा बोट वापरून, थोडेसे काजळ घ्या आणि ते पापण्यांच्या रेषेवर हळूवारपणे लावा. जास्त काजळ लावल्याने ते पसरू शकते, म्हणून कमी प्रमाणात काजळ लावणे चांगले.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)

Source link