America Iran War : अमेरिका-इस्रायल आणि इराण यांच्यातील युद्ध सध्यातरी थांबलेले आहे. अमेरिकेचे राष्ट्राध्यक्ष डोनाल्ड ट्रम्प यांनी आपल्या सैन्याला पाच दिवसांसाठी इराणवर कोणत्याही प्रकारचा हल्ला करू नये, असा आदेश दिलेला आहे. दुसरीकडे इराण आणि अमेरिका यांच्यात युद्धविरामासाठी चर्चा सुरू झाली आहे. अमेरिकेने पाठवलेला 15 कलमी प्रस्ताव इराणने फेटाळला आहे. उलट इराणनेच अमेरिकेसमोर 5 कलमी प्रस्ताव ठेवला आहेत. युद्धात झालेल्या नुकसानीची भरपाई द्यावी तसेच होर्मुझच्या सामुद्रधुनीबाबत आम्हाला सार्वभौमत्त्व हवे आहे, अशीही मागणी इराणने अमेरिकेला केली आहे. दरम्यान, आता इराणने आपला प्रस्ताव फेटाळल्यामुळे डोनाल्ड ट्रम्प चांगलेच संतापले आहेत. त्यांनी इराणला गंभीर अशारा दिला आहे.
इराणने चर्चेला गांभीर्याने घ्यायला हवे, अन्यथा…
डोनाल्ड ट्रम्प यांनी ट्रुथ सोशल या सोशल मीडिया प्लॅटफॉर्मवर त्यांची भूमिका सांगितली आहे. त्यांनी इराला कडक शब्दांत इशारा दिला आहे. इराणने चर्चेला गांभीर्याने घ्यायला हवे. अन्यथा त्याचे परिणाम गंभीर होतील, असं ट्रम्प म्हणाले आहेत. “आमच्यासोबत करार करा अशी भीक इराणकडून मागितली जात आहे. सध्या अमेरिकेचं लष्कर पूर्णपणे नेस्तनाबूत झालं आहे. त्यांनी लवकरात लवकर गांभीर्याने वागायला हवे. कारण एकदा उशीर झाल्यावर नंतर मागे वळून पाहणे खूप कठीण होईल. मागे येण्याचा कोणताही मार्ग शिल्लक राहणार नाही,” असा रोखठोक इशारा ट्रम्प यांनी दिला आहे.
इराणने फेटाळला अमेरिकेचा प्रस्ताव
अमेरिकेने दिलेला 15 कलमी प्रस्ताव इराणने फेटाळला आहे. याउलट इराणनेच अमेरिकेला पाच कलमी प्रस्ताव पाठवला आहे. आम्हाल होर्मुझच्या सामुद्रधुनीबाबत सार्वभौमत्त्व हवे आहे. युद्धामुळे झालेल्या नुकसानीची भरपाई द्यावी. बॅलिस्टिक क्षेपणास्त्र कार्यक्रम तसेच प्रादेशिक सशस्त्र गटांना आमच्याकडून दिले जाणारे समर्थन यावर कोणतीही चर्चा होणार नाही, असे या पाच कलमी प्रस्तावात नमूद आहे.
दरम्यान, युद्धसमाप्तीची वेळ आम्हीच ठरवू, असेही इराणने सांगितले आहे. त्यानंतर आता डोनाल्ड ट्रम्प यांनी दिलेल्या इशाऱ्यानंतर इराण नेमकी काय भूमिका घेणार? हे पाहणे महत्त्वाचे ठरणार आहे.
Leave a Reply