अनेकांना बाग कामाची आवड असते, शहरी भागांमध्ये लोक आपल्या गच्चीवर किंवा जर घरासमोर मोकळी जागा असेल तिथे विविध सुंदर फुलांची झाडं लावतात. तर गावामध्ये अनेक जण आपल्या घराच्या पाठीमागे असलेल्या जागेत विविध फळा फुलांची झाडं लावतात. अनेकांना बागेमध्ये वेळ घालवायला आवडतो, अनेक जण बागेतील एखाद्या वृक्षाखाली दुपारच्या वेळी आराम देखील करतात. उन्हाळ्यात तर घरात प्रचंड उष्णता असते, त्यामुळे झाडाच्या थंडगार सावलीला जाऊन बसणाऱ्यांची संख्या वाढते. मात्र त्याचसोबत एक धोका देखील उन्हाळ्यात वाढतो, तो म्हणजे उन्हाळ्यात जमीन तापते, त्यामुळे बिळात प्रचंड उष्णता निर्माण होते. जमीन तापल्यानं साप बिळातून बाहेर पडतात, आणि लपण्यासाठी किंवा आराम करण्यासाठी एखादी थंडगार जागा शोधतात.
तुम्हाला हे माहिती आहे का की अनेकदा साप झाडाखाली आढळून येतात, अशावेळी जर आपलं लक्ष तिकडे नसेल तर सर्पदंशाची घटना देखील घडू शकते. उन्हाळ्यामध्ये अशा पद्धतीच्या सर्पदंशाच्या घटनांमध्ये वाढ होते, त्यामुळे कधीही झाडाच्या सावलीमध्ये बसताना त्या ठिकाणी आजूबाजूचा परिसर नीट पाहून मगच बसावे. काही झाडं ही अशी असतात जी सापांना आकर्षित करतात. आकर्षित करतात म्हणजे शब्दशाहा आकर्षित करत नाहीत, तर त्या झाडांची रचना, त्या झाडांच्या फुलांचा रंग, वास, तसेच त्या झाडांमध्ये लपण्यासाठी सापांना एक नौसर्गिक आधिवास उपलब्ध होत असल्यानं साप अशा झाडांकडे आकर्षित होतात. आपण अशाच एका झाडाची आज माहिती जाणून घेणार आहोत.
आपल्यातील अनेकजण हे झाड लावतात, त्याला कन्हेराचं झाडं असं म्हणतात. या झाडांना सुंदर लाल फुलं येतात. मात्र या झाडाची रचना अशी असते की या झाडाखाली कायम थंडावा असतो, त्यामुळे उन्हाळ्याच्या दिवसांमध्ये साप या झाडाच्या आश्रयाला येतात. तसेच या झाडामध्ये लपण्यासाठी देखील सापांना जागा उपलब्ध होते, त्यामुळे साप या झाडांकडे आकर्षित होतात. त्यामुळे हे झाड शक्यतो घरात लावू नये. घरापासून दूर जिथे मोकळी जागा असेल अशा ठिकाणी हे झाड लावावे. जर तुम्हाला साप दिसलाच तर त्याला मारू नका, तर त्याची माहिती सर्पमित्रांना द्या, ते सापांना पकडून त्यांच्या नौसर्गिक अधिवासात सोडतील.
Leave a Reply