यवतमाळ येथे शिवानी जाधव ही सात वर्षांची मुलगी अचानक बेपत्ता झाली होती. ती हरवल्याची तक्रार तिच्या पालकांनी पोलिसांकडे नोंदवण्यात आली होती. अनेक तास होऊन ही मुलगी परत न आल्याने पोलिसांनी सहा पथके तयार केली आणि मुलीचा शोध घेण्यात आला. तरीही मुलगी न सापडल्याने पोलिसांनी गावातील प्रत्येक घराची झडती घेण्याचा निर्णय पोलिसांनी घेतला. मयत मुलीच्या शेजारच्या घरातच गोठ्याच्या अंतर्गत भागात असलेल्या दोन खोल्यांमध्ये प्रॉपर सर्चिंग करण्यात आले. कारण त्या घरातील व्यक्तीच्या हालचाली पोलिसांना संशयास्पद वाटत होत्या.एका पलंगाच्या खाली गोणीत भरलेला मुलीचा मृतदेह सापडला. पाच आरोपींना आम्ही ताब्यात घेतले आहे. या प्रकरणात खुनाचा गुन्हा पोलिसांनी दाखल केला आहे. मुलीच्या नाकातील दीड ग्रॅम सोन्याचा ऐवज गायब आहे. जुन्या भांडणातून हा खून केला असावा असा पोलिसांचा अंदाज असल्याचे पोलिसांनी म्हटले आहे.
Leave a Reply