गावदेवी जत्रेसाठी बकरा न दिल्याने एका कुटुंबावर टोळक्याने जीवघेणा हल्ला केल्याची धक्कादायक घटना डोंबिवली येथील कुंभारखान परिसरात घडली आहे. या प्रकरणात सात जणांवर विष्णुनगर पोलिस ठाण्यात गुन्हा दाखल झाला आहे. रात्री अडीच वाजता काही तरुणांनी तबेल्यावर हल्ला करीत या कुटुंबाला बेदम मारहाण केली.या टोळक्याने ऑटो रिक्षातून येऊन तबेला चालक, त्याचा भाऊ आणि त्याच्या आईला बेदम मारहाण केल्याने परिसरात खळबळ उडाली आहे.
डोंबिवलीत गावदेवीची जत्रा सुरु आहे.कुंभारखान परिसरात राहणारे आशिष विठ्ठल दळवी यांचा तबेला आहे. या तबेल्यात बकरी आणि म्हशी आहेत. या परिसरात गावदेवीची जत्रा सुरु आहे. आशीष दळवी यांच्या तबेल्यात सुजल भोसले नावाचा तरुण आला होता.त्याने तबेल्याचा चालक आशिष दळवी याला देवीच्या जत्रेसाठी बकरा मागितला. यावेळी आशीष याने उद्या सकाळी या, मी आईला सांगून ठेवतो असे सांगितले. काही वेळात सुजल भोसले त्याचे मित्र विनय हेगडे,प्रमोद ठाकरे,यज्ञेश खंडागळे,अक्षय खंडागळे आणि अन्य दोन साथीदारांना रिक्षाने घेऊन आला. आणि त्याने आशीष आणि त्याची आई तसेच मोठ्या भावाला मारहाण जबर मारहणा केली.
सकाळी बोलवल्याचा राग
डोंबिवलीच्या कुंभारखान भागात गावदेवीची जत्रा सुरु आहे. या भागातील काही तरुणांनी येथील तबेल्यातील चालक आशीष दळवी यांच्याकडे बकऱ्याची मागणी केली होती. मात्र,त्यांच्यात यावरुन वाद निर्माण झाल्याने तसेच आशीष याने लागलीच बकरा न देता उद्या सकाळी या असे सांगितल्याचा राग येऊन सुजल भोसले आणि त्याच्या मित्रांनी आशीष , त्याची आई आणि मोठ्या भावाला जबर मारहाण केली. या प्रकरणात विष्णूनगर पोलिसांनी या प्रकरणात सात जणांच्या विरोधात गुन्हा दाखल केला आहे.पोलिस या प्रकरणाचा तपास करीत असून या घटनेमुळे एकच खळबळ उडाली आहे.
Leave a Reply