इराण आणि अमेरिका युद्धाचा आज 21 वा दिवस आहे. अमेरिका आणि इस्त्रायल मिळून इराणवर मोठे हल्ले करत आहे. मात्र, इराण हार मानताना दिसत नाही. मोठे हल्ले इराणकडून केले जात आहेत. अमेरिकेने ज्या युद्धाचा विचारही केला नव्हता, असे युद्ध इराण लढत आहे. डोनाल्ड ट्रम्प यांनी 28 फेब्रुवारी रोजी इराणवर करण्यात आलेल्या हल्ल्यादरम्यान म्हटले होते की, हे युद्ध चार आठवडे चालेल. मात्र, सध्याची परिस्थिती बघता इराण इतक्या लवकर पराभव स्वीकारणार नाही हे स्पष्ट आहे. उलट इस्त्रायल आणि अमेरिकेच्या नाकात दम इराणने केला. होर्मुज खाडी बंद करण्यात आल्याने जगातील अनेक देश अमेरिकेच्या विरोधात आहेत. कोणत्याही परिस्थितीत होर्मुज खाडी सुरू करण्यात यावी, याकरिता दबाव टाकला जात आहे. इराण, इस्त्रायल आणि अमेरिकेत युद्ध सुरू असताना वारंवार या युद्धात थेट ब्रिटनचे नाव पुढे येताना दिसत आहे. इराणकडून थेट मोठा इशाराही ब्रिटनला देण्यात आला.
यादरम्यानच आता ब्रिटनने आपल्या लष्करी ताकदीचे प्रदर्शन करत अरबी समुद्रात अणुशक्तीवर चालणारी पाणबुडी तैनात केली आहे, ज्याने मोठी खळबळ उडाली. हेच नाही तर इराण अमेरिका युद्धात ब्रिटनही सहभागी होत आहे का? हा प्रश्न उपस्थित केला जात आहे. डेली मेलच्या वृत्तानुसार, एचएमएस अॅन्सन नावाची ही पाणबुडी टोमाहॉक ब्लॉक IV क्रूझ क्षेपणास्त्रांनी सुसज्ज आहे आण अत्यंत घातक हल्ले करू शकते.
शेकडो दूर असलेल्या टार्गेटवरही ही पाणबुडी हल्ला करू शकते. इराण अमेरिकेच्या युद्धात ब्रिटनने आपला सैन्य बेस अमेरिकेला वापरण्याची अगोदरच परवानगी दिली आहे. होर्मुज मार्ग इराणकडून बंद करण्यात आला. आता ब्रिटनच्या सैन्य बेसवरून इराणच्या होर्मुजमधील सैन्यावर मोठे मारे आणि क्षेपणास्त्राने थेट हल्ला अमेरिका करू शकते.
अमेरिकेकडून अगोदरच इराणला धमकी देण्यात आली की, 48 तासांमध्ये तुम्ही होर्मुज खाडी सुरक्षित उघडी करा. यावर इराणकडून थेट उत्तर देण्यात आले असून इराणने स्पष्ट शब्दात सांगितले की, आमच्या ऊर्जा प्रकल्पांवर हल्ला करण्याची हिमत केली तर आम्ही संपूर्ण क्षेत्रात असलेल्या अमेरिकेसंबंधत कंपन्यांवर थेटपणे हल्ला करणार आहोत. ब्रिटनला मोठा इशारा इराणकडून अगोदरच देण्यात आला.
Leave a Reply