उत्तर प्रदेशातील वाराणसी येथे स्पा सेंटरच्या आड चालवला जात असलेला देहव्यापाराचे मोठे रॅकेट पोलिसांनी उघडकीस आणले आहे. या कारवाईमुळे परिसरात एकच खळबळ उडाली आहे.
राजातालाब परिसरातील कचनार भागात ‘AURA HEAVEN’ नावाने चालणाऱ्या स्पा सेंटरवर राजातालाब पोलीस आणि SOG-2 पथकाने संयुक्त छापा टाकला. या ठिकाणी पशुवैद्यकीय रुग्णालयाजवळ हे स्पा सेंटर कार्यरत होते. पोलिसांनी छापा टाकताच आत पाहिलेलं दृश्य धक्कादायक होतं.
स्पा सेंटरमध्ये लहान-लहान केबिन्स तयार करण्यात आले होते. ज्यात रंगीबेरंगी लाईट्स लावण्यात आलेल्या होत्या. या केबिन्समधील वातावरण आणि तिथे सापडलेल्या वस्तूंवरून येथे अनैतिक कृत्ये सुरू असल्याचे स्पष्ट झाले. पोलिसांना घटनास्थळी मोठ्या प्रमाणात वापरलेले आणि न वापरलेले कंडोम तसेच इतर आक्षेपार्ह साहित्य सापडले.
छापेमारीदरम्यान मोठी गोंधळाची परिस्थिती निर्माण झाली. स्पा सेंटरचा संचालक अंधाराचा फायदा घेत घटनास्थळावरून पसार झाला. मात्र, पोलिसांनी तात्काळ कारवाई करत तीन तरुणी आणि दोन तरुणांना रंगेहात पकडले.
प्राथमिक तपासात समोर आले की ही इमारत मनोज गुप्ता यांची असून, सुमारे दोन महिन्यांपूर्वी जौनपूर येथील अनिल कुमार यांनी ती भाड्याने घेतली होती. अटक करण्यात आलेले दोन्ही तरुण हे जवळच्या मिर्जामुराद भागातील रहिवासी असल्याचे सांगितले जाते.
घटनास्थळावर सापडलेल्या पुराव्यांची खातरजमा करण्यासाठी फॉरेन्सिक पथकाला पाचारण करण्यात आले आहे. पोलिस अधिकाऱ्यांनी सांगितले की, अशा अनैतिक व्यवसायांवर कठोर कारवाई सुरूच राहणार असून दोषींविरुद्ध कडक कायदेशीर पावले उचलली जातील.
Leave a Reply