सणवार असो किंवा कोणताही कार्यक्रम आपण प्रत्येकजण चांगले दिसावे यासाठी काही दिवस आधी पासून स्किन केअर करण्यास सुरूवात करतो. यामध्ये आपल्यापैकी अनेकजण घरगूती उपाय करतात तर काहीजण बाजारात उपलब्ध असलेले प्रोडक्टचा वापर करतात. जर तुम्ही घरगुती उपाय करण्याला पहिले प्राधान्य देत असाल तर आजचा लेख तुमच्यासाठी आहे. कारण नैसर्गिक आणि आयुर्वेदिक उत्पादने तुमच्या त्वचेसाठी अत्यंत फायदेशीर आहेत. तर आजच्या लेखात जाणून घेऊया अशा दोन गोष्टी ज्या चेहऱ्यावर चमचमता ग्लो आणतील.
त्वचेवर चमकदार ग्लो येण्यासाठी या घरगुती फेसपॅक आणि तेलाचा करा वापर
फेस पॅकचे साहित्य
फेसपॅक तयार करण्यासाठी हळद घ्या, लक्षात ठेवा बाजारातून आणलेल्या हळदीचा वापर करू नका. त्याऐवजी घरगुती हळदीचा वापर करा.
याव्यतिरिक्त घरी बनवलेली दही घ्या.
गुलाबाच्या पाकळ्या पावडर आणि बेसन घ्या. तुम्हाला आवडत असल्यास तुम्ही कोरफड देखील मिक्स करू शकता.
फेस पॅक कसा बनवायचा?
एका भांड्यात 1 चमचा बेसन, तेवढेच दही आणि चिमूटभर हळद घेऊन सर्व मिश्रण एकत्र करा. त्यानंतर त्यात अर्धा चमचा गुलाबाच्या पाकळ्या पावडर आणि हवे असल्यास थोडेसे कोरफडीचे जेल टाकू शकता. सर्व साहित्य एकत्र करून एक मऊ पेस्ट तयार करा.
असा फेस पॅक लावा
हा फेस पॅक तुमच्या संपूर्ण चेहऱ्यावर आणि मानेवर लावा आणि किमान 20 मिनिटे तसेच राहू द्या. त्यानंतर फेस पॅक किमान 80 टक्के सुकल्यावर स्वच्छ करण्यासाठी पॅक गोलाकार हालचालींमध्ये हलक्या हाताने मसाज करा. इच्छित असल्यास, फेस पॅक साफ करताना तुम्ही तुमच्या हातांना थोडे कच्चे दूध लावू शकता. तुम्ही हा फेस पॅक दर दुसऱ्या दिवशी लावू शकता. हळद आणि दही तुमच्या त्वचेवर दररोज देखील वापरू शकता.
अशा प्रकारे तुम्हाला फायदा मिळेल
त्वचेचा रंग उजळवण्यासाठी आणि संसर्ग आणि मुरुमांपासून संरक्षण करण्यासाठी हळदीचा वापर प्राचीन काळापासून केला जात आहे. दही त्वचेला गुळगुळीत करते आणि खोलवर स्वच्छ करण्यास मदत करते. बेसन हे त्वचेच्या काळजीसाठी एक उत्तम घटक आहे. ते मृत त्वचा काढून टाकते. कोरफड जेल त्वचेला हायड्रेट करते. तर गुलाब पावडर तुमचा चेहरा ताजेतवाने आणि तरुण ठेवण्यास मदत करतो.
हे तेल लावा
आयुर्वेदात त्वचेच्या काळजीसाठी अनेक पॉवरफूल औषधी वनस्पती आहेत. जर तुम्ही एखाद्या कार्यक्रमात तुमच्या चेहऱ्यावर नैसर्गिक चमक शोधत असाल तर कुमकुमादी तेलाचा वापर करून पहा. ते तुमच्या चेहऱ्यावरील सनस्पॉट, डोळ्याखालील काळी वर्तुळे आणि चेहऱ्यावरील रंगद्रव्य कमी करण्यास मदत करते, तसेच तुमची त्वचा मऊ करते. विविध औषधी वनस्पतींच्या मिश्रणामुळे हे तेल तुमच्या त्वचेसाठी वरदान मानले जाते.
कुमकुमादी तेल त्वचेवर कसे लावायचे?
तुम्ही हे दररोज रात्री हे तेल चेहऱ्यावर लावू शकता. प्रथम तुमचा चेहरा धुवा आणि टॉवेलने पुसून घ्या. नंतर कुमकुमाडी तेलाचे 5 ते 6 थेंब घ्या. आणि तुमच्या हातांनी हे तेल चेहऱ्यावर आणि मानेपासून वरच्या बाजूने तुमच्या हलक्या हाताने मसाज करा. रात्रभर तसेच राहू द्या. सकाळी उठल्यावर कोमट पाण्याने चेहरा धुवा.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply