‘चिरैया’ ही वेब सीरिज सध्या सोशल मीडियावर तुफान चर्चेत आहे. ‘मॅरिटल रेप’ अर्थात वैवाहिक बलात्कारसारख्या गंभीर विषयावर या सीरिजमध्ये भाष्य करण्यात आलं आहे. या सीरिजमधल्या एका सीनने प्रेक्षकांच्या अंगावर अक्षरशः काटा आणला. हा सीन पूजा आणि अरुण यांच्यातील आहे. हे दोघं मनालीला जातात. तिथे अशी काही घटना घडते जिचा विचार करूनही अंगावर काटा येतो. या सीरिजमध्ये अभिनेता सिद्धार्थ शॉने अरुणची तर प्रसन्नाने पूजाची भूमिका साकारली आहे. नुकत्याच दिलेल्या एका मुलाखतीत प्रसन्नाने सीरिजमधील ब्लेडच्या सीनविषयी खुलासा केला. हा सीन करताना तिच्या मनात कोणती भावना होती, दिग्दर्शकांनी तिला काय सांगितलं होतं, याविषयी ती मोकळेपणे व्यक्त झाली.
सीनबद्दल काय समजावलं होतं?
सिद्धार्थ म्हणाला, “सीरिजमध्ये जेव्हा आमचं लग्न झालं, तेव्हा आमच्या रुमसमोरच दादा आणि वहिनीची रुम असते. त्यामुळे अरुणच्या डोक्यात सुहागरातबद्दल जे काही सुरू होतं, ते त्याला करता येत नाही. घरी सर्वजण असतात, खाली फंक्शन सुरू असतात. त्यामुळे जेव्हा तुम्ही हनिमूनला जाता, तेव्हा तो वेळ तुमचा असतो. जी काही फँटसी तुमच्या डोक्यात आहे, ती पूर्ण करा.. कारण आसपास कोणीच नसतं. तुम्ही हनिमूनला गेले आहात आणि प्रॅक्टिकली तेच करायला आला आहात. मला अशीच ब्रीफिंग देण्यात आली होती.”
View this post on Instagram
ब्लेडच्या सीनदरम्यान तुझ्या डोक्यात काय विचार सुरू होते, असा प्रश्न विचारला असता तो पुढे म्हणाला, “जर मी सिद्धार्थसारखा विचार केला असता तर तो सीन करू शकलो नसतो. त्यावेळी मी पूर्णपणे अरुण होतो, जो सेक्ससाठी काहीही करू शकत होता. त्याच्या डोक्यात एकच गोष्ट होती की, फिजिकली इंटीमेट होण्यासाठी काहीही केलं तरी चालेल. अरुणच्या डोक्यात त्यावेळी असा विचार होता की जर पूजाने दार उघडलं आणि खरंच तिला मासिक पाळी आली असेल, तरीसुद्धा तो सगळं काही करणार होता. त्याक्षणी माझ्या डोक्यात फक्त अरुणचे विचार होते, फक्त हवस होती.”
त्या सीनविषयी प्रसन्नाने पुढे सांगितलं, “मी आताही सुन्न आहे आणि त्या क्षणीही मी सुन्न होते. माझ्यात फक्त भीती आणि असहाय्य असल्याची भावना होती. ते मी शब्दांत मांडू शकत नाही.” ‘चिरैया‘ ही एकूण सहा एपिसोड्सची वेब सीरिज आहे. यामध्ये मॅरिटल रेप, महिलांच्या इच्छा, त्यांची संमती, पितृसत्ताक समाज यांसारखे विषय अधोरेखित करण्यात आले आहेत. यामध्ये अभिनेत्री दिव्या दत्ता ही कमी शिकलेल्या सुनेच्या आणि जाऊबाईच्या भूमिकेत आहे. तिला मुलं नसतात, त्यामुळे दीर अरुण तिच्यासाठी तिच्या मुलासारखाच आहे. जेव्हा त्याचं लग्न होतं, तेव्हा कमलेशचा (दिव्या दत्ता) सामना त्याच्या शारीरिक संबंधांच्या बाबतीत धक्कादायक गोष्टींशी होतो.
Leave a Reply