90 च्या दशकात आपल्या अभिनयाने आणि सौंदर्याने मराठी चित्रपटसृष्टीत वेगळी ओळख निर्माण करणाऱ्या अभिनेत्रींपैकी एक महत्त्वाचे नाव म्हणजे अर्चना जोगळेकर.
उत्कृष्ट अभिनयासोबतच त्या एक कुशल कथ्थक नृत्यांगना आणि कोरिओग्राफर म्हणूनही ओळखल्या जातात. त्यांच्या सहजसुंदर अभिनयशैलीमुळे आणि मोहक व्यक्तिमत्त्वामुळे त्यांनी अल्पावधीतच प्रेक्षकांच्या मनात स्थान निर्माण केले.
अगदी बालपणापासूनच त्यांनी आपल्या आईकडून कथ्थक नृत्याचे प्रशिक्षण घेण्यास सुरुवात केली. नृत्यासोबतच शिक्षणालाही त्यांनी तितकेच महत्त्व दिले. शिक्षण पूर्ण केल्यानंतर अर्चना जोगळेकर यांनी अभिनय क्षेत्रात पाऊल टाकले.
‘उघडले स्वर्गाचे दार’ या मराठी नाटकातून त्यांनी रंगभूमीवर पदार्पण केले. या नाटकातील त्यांच्या प्रभावी भूमिकेसाठी त्यांना सर्वोत्कृष्ट अभिनेत्रीचा तसेच समीक्षकांचा पुरस्कार मिळाला. यानंतर त्यांची अभिनय क्षेत्रातील ओळख अधिक मजबूत झाली.
1985 साली खिचडी या चित्रपटातून त्यांनी मराठी चित्रपटसृष्टीत प्रवेश केला. मराठीसोबतच त्यांनी इतर भाषांमधील चित्रपटांमध्येही काम केले.
यानंतर त्यांनी दूरदर्शनवरील चुनौती या मालिकेत काम केले आणि या मालिकेमुळे त्या घराघरात ओळखल्या जाऊ लागल्या.
Leave a Reply