आजकाल वाढदिवस साजरा करणे असो वा कोणताही आंनदाचा क्षण आपल्यापैकी अनेकजण पिझ्झा मागवून पार्टी करत असतात. मात्र बाजारात मिळणाऱ्या पिझ्झाचा बेस नेहमीच रिफाइंड मैद्यापासून बनवला जातो. म्हणूनच काही फिटनेस व डाएट करणारी लोकं असा पिझ्झा अनहेल्दी मानतात. कारण मैदा बेस पिझ्झा जास्त प्रमाणात सेवन केल्याने वजन वाढते. ग्लूटेनची समस्या असलेल्या लोकांना पिझ्झा खाल्यास समस्या निर्माण होतात. या लेखात आपण ग्लूटेन-मुक्त पिझ्झाची रेसिपी जाणून घेणार आहोत, म्हणजे आपण त्याच्या बेसमध्ये रिफाइंड मैदा किंवा रवा वापरणार नाही. शिवाय तुम्ही घरीच स्वतः सॉस तयार करूनहा पिझ्झा बनवू शकतात, जो फायबर आणि प्रथिने समृद्ध आहे.
पिझ्झा बेसचे साहित्य
तुम्हाला पिझ्झा बेस बनवण्यासाठी 300 ग्रॅम रताळे आणि 1 कप ओट्स किंवा त्याचे पीठ, त्याशिवाय तुम्हाला बेकिंग पेपर लागेल.
मखनी सॉसचे साहित्य
1 चमचा ऑलिव्ह ऑइल, 4-5 लसूण पाकळ्या, समान प्रमाणात आले, 1 मध्यम आकाराचा टोमॅटो आणि 1 लाल मिरची, चवीनुसार मीठ, 80 ग्रॅम कमी फॅटयुक्त पनीर.
टॉपिंग साठी लागणारे साहित्य
पिझ्झा टॉपिंग करण्यासाठी 1 चमचा तेल, मूठभर स्वीट कॉर्नचे दाणे, 100 ते 120 ग्रॅम पनीर, काही पेरी पेरी मसाला (किंवा तुमच्या आवडीचा कोणताही मसाला), ओवा आणि लाल मिरचीचे तुकडे आणि सुमारे 30 ग्रॅम कमी फॅटयुक्त मोझारेला चीज घ्या.
फायबर आणि प्रथिने समृद्ध पिझ्झा बनवण्याची रेसिपी
एका पॅनमध्ये थोडे तेल टाका आणि त्यात पनीर, कॉर्न, थोडे मीठ आणि पेरी-पेरी मसाला टाकून सर्व मिश्रण एकजीव करा.
एका भांड्यात अर्धा चमचा तेल टाका. आता या तेलात लसूण पाकळ्या, आल्याचे तुकडे, टोमॅटो, मीठ, सुक्या तिखट आणि थोडे पाणी टाका आणि झाकण ठेवून शिजवून घ्या.
टोमॅटो शिजले की ते मिश्रण बाहेर काढून थोडंस थंड करा. त्यानंतर मिक्सरच्या भांड्यात थंड झालेले मिश्रण टाकून त्यात पनीर टाका आणि थोडे पाणी मिक्स करून वाटून घ्या जेणेकरून घट्ट पेस्ट तयार होईल.
आता एका भांड्यात रताळी उकडून घ्या आणि थंड करा. थंड झाल्यावर रताळी सोलून घ्या आणि चांगले मॅश करा.
रताळे मॅश केल्यानंतर तुम्हाला त्यात ओट्सचे पीठ मिक्स करून मळून घ्या आणि बेस तयार करा.
तयार पीठ बेकिंग पेपरवर पसरवून त्याचा गोलाकार बेस तयार करा. तयार तयार केलेला सॉसचा थर बेसवर लावा.
सॉसचा पुर्णपणे बेसवर लावल्यानंतर त्यावर कॉर्न-चीज टॉपिंग पसरवा आणि त्यावर मोझरेला चीज टाका.
आता तुम्हाला त्यावर ओरेगॅनो आणि मिरचीचे तुकडे असे काही मसाले टाकावे लागतील किंवा तुमच्या आवडीचे मिक्स हर्ब्स देखील तुम्ही टाकू शकता.
जर तुमच्याकडे ओव्हन असेल तर पिझ्झा 180 अंशांवर सुमारे 15 मिनिटे पिझ्झा बेक करा. तुमचा पिझ्झा तयार होईल.
ओव्हनशिवाय पिझ्झा कसा बेक करायचा?
जर तुमच्याकडे ओव्हन नसेल तर एक तवा गरम करा. त्यावर मीठाचा जाड थर पसरवा. त्यावर एक स्टँड ठेवा, बेकिंग पेपरसह पिझ्झा ठेवा आणि 20 ते 25 मिनिटे बेक करा. जर तुम्ही पिझ्झा प्रेमी असाल पण हेल्दी पदार्थ खाण्याला पसंती देत असाल तर तुम्ही ही रेसिपी ट्राय करू शकता.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply