‘बिग बॉस मराठी 6’तील या आठवड्याच्या एलिमिनेशनने सर्वांनाच आश्चर्याचा मोठा धक्का बसला. घरातील एकूण सात स्पर्धक नॉमिनेट झाले होते. ज्यामध्ये रुचिता जामदार, दिपाली सय्यद, प्राजक्ता शुक्रे, सागर कारंडे, प्रभू शेळके, संस्कृती साळुंके आणि तन्वी कोलते यांचा समावेश होता. या सात जणांपैकी रुचिता जामदारला बिग बॉसच्या घराबाहेर पडावं लागलं. हा निर्णय बिग बॉसच्या घरातील स्पर्धकांसाठी जितका आश्चर्यकारक होता, तितकाच तो प्रेक्षकांसाठीही होता. कारण रुचिता किमान टॉप 5 स्पर्धकांपर्यंत नक्की पोहोचेल, असा अंदाज अनेकांकडून व्यक्त केला होता. परंतु त्याचसोबत घरातील तिच्या वागणुकीबाबत वारंवार सोशल मीडियावर टीकासुद्धा झाली. आता बिग बॉसच्या घरातून बाहेर आल्यानंतर रुचिताने इन्स्टाग्रामवर पोस्ट लिहित सर्वांची माफी मागितली आहे. मी घरात ज्या काही चुकीच्या गोष्टी केल्या असतील, त्याबद्दल तुमची मनापासून माफी मागते, असं तिने या पोस्टमध्ये लिहिलंय.
रुचिता जामदारने मागितली माफी
‘बिग बॉसच्या या घरात प्रत्येक गोष्ट मी मनापासून केली आणि खूप वेळा नॉमिनेट झाले, तरी माझ्यावर प्रेम करणाऱ्या रसिक प्रेक्षकांनी मला या खेळात लढायला बळ दिलं. मी घरात ज्या काही चुकीच्या गोष्टी केल्या असतील, त्याबद्दल तुमची मनापासून माफी मागते. आजचं एविक्शन माझ्यासाठी आश्चर्यकारक आहे, पण जनतेचा निर्णय मला मनापासून मान्य आहे. माझ्या या प्रवासात माझी साथ दिल्याबद्दल खूप खूप आभार,’ अशा शब्दांत ती व्यक्त झाली आहे. रुचिताच्या या पोस्टवर नेटकऱ्यांनी विविध प्रतिक्रिया दिल्या आहेत.
View this post on Instagram
रुचिताच्या एविक्शनबद्दल बिग बॉस मराठीचा माजी स्पर्धक धनंजय पोवार यानेसुद्धा आश्चर्य व्यक्त केलं आहे. “मला असं वैयक्तिक वाटतंय की याच्या आधी रोशन भजनकरला खूप मतं मिळाली होती. तरीही रोशन बिग बॉसच्या घराबाहेर पडला. आता रुचिताला खूप मतं मिळाली होती, असं मला कळतंय. कारण रुचिता कंटेंट देतेय. मागचा पूर्ण आठवडा तिने बिग बॉसला कंटेंट दिला होता. मग तरीही रुचिता बाहेर गेली”, असं धनंजय म्हणाला.
रुचिता जामदार ही मूळची कोल्हापूरची असून पहिल्या एपिसोडपासून ती चर्चेत आहे. तिचे वडील स्विगी डिलिव्हरीचं काम करतात. तर रुचिता सुरुवातीला लोकांच्या लग्नामध्ये डान्स करून पैसे कमवायची. बॅकग्राऊंड डान्सर म्हणून तिने सुरुवात केली होती.
Leave a Reply