महाकुंभ २०२५ मध्ये रुद्राक्ष माळा विकणारी सुंदर तरुणी सोशल मीडियावर व्हायरल झाली होती. या तरुणीचे नाव मोनालिसा भोसले आहे. तिचे सौंदर्य पाहून एका दिग्दर्शकाने तिला चित्रपटाची ऑफर दिली होती. आता मोनालिसा लग्नामुळे पुन्हा चर्चेत आहे. पण मुस्लिम बॉयफ्रेंडशी लग्न केल्यानंतर 10 दिवसातच तिने मदत मागितली आहे.
मध्य प्रदेशच्या खरगोनची रहिवासी मोनालिसाने ११ मार्च २०२६ रोजी केरळमधील तिरुवनंतपुरम जवळील एका मंदिरात (हिंदू रितीरिवाजानुसार) प्रियकर फरमान खानशी लग्न केलं. फरमान हा अभिनेते असून, दोघांनीही हे अंतरधर्मिय लग्न 'खरा प्रेम' असल्याचं सांगितलं आणि 'लव्ह जिहाद'चे आरोप फेटाळले.
लग्नाचे फोटो आणि व्हिडीओ सोशल मीडियावर व्हायरल झाल्यानंतर मोनालिसाच्या कुटुंबाने तिच्या वडिलांनी 'मुलीला फसवून पळवून नेलं' असा आरोप केला. मोनालिसा आणि फरमान यांनी मात्र सांगितलं की, ते सहा महिन्यांपासून एकमेकांवर प्रेम करत होते आणि कुटुंब तिचं लग्न जबरदस्ती दुसऱ्याशी लावण्याचा प्रयत्न करत होतं. त्यामुळे दोघांनी पोलीस संरक्षण घेऊन केरळमध्ये लग्न केलं.
लग्नानंतर फक्त १० दिवसांतच परिस्थिती गंभीर झाली आहे. मोनालिसाने आपल्या फेसबुक अकाउंटवर एक व्हिडीओ पोस्ट केला आहे, ज्यात ती आणि फरमान एकत्र दिसत आहेत. या व्हिडीओत मोनालिसा घाबरलेल्या स्वरात म्हणते, “आम्हाला खुलेआम जीवे मारण्याच्या आणि हल्ल्याच्या धमक्या येत आहेत. हा व्हिडीओ आणि लेटर मी पोलीस, मुख्यमंत्री, कमिशनर आणि मीडियाला पाठवत आहे. प्लीज आम्हाला मदत करा!
दोघांनीही आपल्या जीवाला धोका असल्याचं सांगत तातडीने संरक्षणाची मागणी केली आहे. हे अंतरधर्मिय लग्न 'लव्ह जिहाद' म्हणून काही दिग्दर्शक (उदा. सनोज मिश्रा) आणि सोशल मीडियावरील काही गटांकडून टीकेचं केंद्र ठरलं आहे. मोनालिसाच्या कुटुंबानेही विरोध केला असून, तिच्या वडिलांनी 'फसवणूक' आणि 'जादू-टोना'चा आरोप केला आहे.
Leave a Reply