झुरळ म्हटलं की अनेकांना किळसवाणे वाटते. काही लोक तर झुरळ पाहिलं की थेट पळून जातात. परंतु झुरळ हा कीटक असा आहे की तो घरात एकदा झाला की लवकर तुमचा पिच्छा सोडत नाही.
घरात एकदा झुरळ झाले की ते तुम्हाला अगोदर किचनमध्ये दिसेल. त्यानंतर बाथरुम, टॉयलेट, बेडरुम अशा सर्वच ठिकाणी झुरळं दिसायला लागतील. विशेष म्हणजे झुरळांचे प्रमाण जास्त झाले की ते तुमच्या धान्यात आणि इतर सामानातही दिसायला लागतात.
झुरळांची विष्ठा अन्नावाटे तुमच्या पोटात गेली तर तुम्हाला अनेक आजार होण्याची शक्यता असते. झुरळं ही घरात कचऱ्याच्या ठिकाणी, घाणीच्या ठिकाणीदेखील सापडतात. त्यामुळेच त्यांना लवकरात लवकर घारातून हाकलून देणे गरजेचे आहे. तुम्ही एक रुपयाही खर्च न करता झुरळांना घरातून पळवून लावू शकता.
तुमच्या किचनच्या सामानात लवंग असेल तर तुम्ही झुरळांना घरातून पळवून लावू शकता. झुरळांना लवंग आवडत नाही. माणसांना लवंगाचा गंध आवडतो. परंतु झुरळांना लवंगचा वास आला की ते दूर पळतात. किचनच्या दरवाजात किंवा किचनच्या कोपऱ्यात लवंग ठेवल्यास झुरळं घरातून पळून जाऊ शकतात.
(टीप- या लेखातील सर्व माहिती ही प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा)
Leave a Reply