उन्हाळा सुरू झाला की त्वचेवर पुरळ, खाज, जळजळ, मुरुमे आणि समस्या सतावू लागतात. खरे तर या दिवसातील तीव्र सूर्यप्रकाश, धूळ आणि घाम या सर्वांमुळे त्वचेवर याचा परिणाम होऊ शकतो. त्यामुळे प्राचीन काळापासून भारतीय घरांमध्ये स्किन केअर रूटिंगमध्ये काही नैसर्गिक घटकांचा वापर केला जात आहे. उन्हाळ्यात तुमच्या स्किन केअर रूटिंगमध्ये या घटकांचा समावेश केल्यास त्वचेला आराम मिळण्यास आणि या दमट, उष्ण हवामानाशी संबंधित त्वचेच्या समस्या कमी करण्यास मदत होऊ शकते.
शतकानुशतके उन्हाळ्याच्या दिवसांमध्ये लोकं आरोग्य जपण्यापासून ते त्वचा आणि केसांची काळजी घेण्यापर्यंत विविध समस्यांपासून सुटका मिळवण्यासाठी नैसर्गिक घटकांचा वापर करत आले आहेत. हे घटक अनेक गुणधर्मांनी समृद्ध आहेत. ज्यामुळे यांच्या वापराने त्वचेवर उत्तम परिणाम दिसून येतो. उन्हाळ्यातही थंडावा देणारे अनेक नैसर्गिक घटक आहेत. चला अशाच पाच प्रभावी आणि पारंपरिक घटकांबद्दल जाणून घेऊयात.
चंदन आहे अप्रतिम
प्राचीन काळापासून त्वचेच्या काळजीसाठी चंदनाचा वापर केला जात आहे. चंदन त्याच्या थंड गुणधर्मांसाठी ओळखले जाते. चंदन त्वचेची जळजळ शांत करते, पुरळांपासून आराम देते आणि सूर्यकिरणांमुळे होणाऱ्या नुकसानापासून त्वचेचे संरक्षण करण्यास मदत करते. चंदन मुरुमे कमी करण्यासाठी आणि कांती सुधारण्यासाठी देखील प्रभावी आहे. यासाठी उन्हाळ्यात तुम्ही त्याची पेस्ट बनवून तुमच्या त्वचेला लावू शकता. अधिक फायद्यांसाठी तुम्ही चंदनामध्ये गुलाबजल मिक्स करू शकता. उष्णतेमुळे होणाऱ्या डोकेदुखीसाठीही चंदनाची पेस्ट खूप फायदेशीर आहे.
त्वचेसाठी दही देखील फायदेशीर
उन्हाळ्यात लोकं मोठ्या प्रमाणात दही खातात कारण त्यामुळे शरीराला थंडावा मिळतो. पण दह्याचा वापर त्वचेवर केल्याने उन्हाळ्यात त्याचे आश्चर्यकारक परिणाम होतात. दह्यापासून बनवलेला फेस पॅक चेहऱ्याला त्वरित थंडावा देतो. दह्यामधील लॅक्टिक ॲसिड मृत त्वचा आणि घाण काढून टाकण्यासाठी प्रभावी आहे. ते त्वचेला आर्द्रता देऊन मऊ करते आणि त्वचेचा काळपटपणा कमी करण्यासाठीही प्रभावी आहे. यासाठी दही फेटून घ्या, त्यात चिमूटभर हळद टाका आणि चेहऱ्यावर लावा.
कोरफड त्वचेच्या समस्या दूर करण्यासाठी एक पॉवरफुल घटक आहे
भारतात कोरफडीला आयुर्वेदिक गुणधर्मांनी समृद्ध मानली जाते आणि उन्हाळ्यात त्वचेला आराम देणारा एक प्रभावी घटक आहे. कोरफडीचा गर त्वचा मऊ करतो आणि पुरळ कमी करण्यासही मदत करतो.
मुलतानी माती
उन्हाळ्यात त्वचेला थंडावा देणाऱ्या नैसर्गिक घटकांबद्दल बोलायचे झाल्यास, मुलतानी मातीचा वापर सर्वात आधी करत असतो. मुलतानी माती पाण्यात भिजवून त्यात कोरफड जेल, चिमूटभर हळद, चंदन पावडर आणि गुलाबजल यांसारखे घटक मिक्स करून त्वचेवर लावू शकता. यामुळे उन्हाळ्यातही तुमची त्वचा चमकदार राहण्यास मदत होते. मुलतानी मातीचा वापर केस धुण्यासाठीही करता येतो.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply