उन्हाळा सुरू होताच टॅनिंगच्या समस्येची भीती सर्वांनाच असते. कडक उन्हाचा सर्वाधिक परिणाम चेहरा, पाय, मान आणि हातांवर होतो. केवळ त्वचा काळी पडत नाही तर उष्णता आणि घामामुळे चेहऱ्यावर मुरुमे देखील येतात. आयुर्वेद अशा स्क्रबची शिफारस करतो जो उन्हाळ्यात टॅनिंगपासून आराम देईलच, शिवाय चेहरा चमकदारही ठेवेल. चला तर मग आजच्या लेखात आपण घरगुती पद्धतीने तयार केलेल्या फेसमास्कबद्दल जाणून घेऊयात.
त्वचा का काळवंडते?
टॅनिंग ही उन्हाळ्यातील एक सामान्य समस्या आहे जी त्वचेला काळे करते. सतत सूर्याच्या किरणांपासून संरक्षण करण्यासाठी त्वचा मेलेनिन नावाचा हार्मोन तयार करते आणि कालांतराने, रंग असमान होतो. योग्य काळजी घेतल्यास टॅनिंग दूर करता येते. टॅनिंग काढून टाकण्यासाठी संतुलन आणि पोषण आवश्यक आहे. आयुर्वेद अनेक प्रभावी त्वचेची काळजी घेणारे उपाय देतो, त्यापैकी एक म्हणजे नैसर्गिक फेसपॅक.
टॅनिंग काढण्यासाठी नैसर्गिक फेसपॅक
नैसर्गिक फेसपॅक बनवणे देखील सोपे आहे. संत्र्याच्या सालीची पावडर, थोडे केशर, ज्येष्ठमध पावडर आणि चंदन पावडर हे सर्व समान प्रमाणात घेऊन कोरफड जेलमध्ये मिक्स करून पेस्ट तयार करा. जर पेस्ट घट्ट वाटत असेल, तर तुम्ही त्यात गुलाबपाणी किंवा कच्चे दूध मिक्स करू शकता. ही पेस्ट आठवड्यातून दोनदा टॅन झालेल्या भागावर लावा. ज्यामुळे टॅनिंगची समस्या मोठ्या प्रमाणात कमी होते.
नैसर्गिक फेसपॅकचे फायदे
हा नैसर्गिक फेसपॅक मृत पेशी काढून त्वचा स्वच्छ करण्याची क्षमता ठेवतो. तसेच हा फेसपॅक त्वचेचा रंग एकसमान करण्यास आणि त्वचेला खोलवर पोषण देण्यास मदत करतो. कारण यात वापरण्यात आलेले ज्येष्ठमधाची पावडर मेलॅनिनचे संतुलन राखतो आणि केशर त्वचा उजळ करण्यास मदत करते. या मिश्रणातील कोरफड जेल ही उष्णतेपासून आराम देते आणि त्वचेला खोलवर थंडावा देऊन त्वचेची जळजळ कमी करते. संत्र्याच्या सालीची पावडर व्हिटॅमिन सी ने समृद्ध असते, जे नवीन त्वचेच्या पेशींच्या निर्मितीस मदत करते.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply