उन्हाळ्याच्या सुट्टीत मुलांना फिरायला घेऊन जायचंय? ‘या’ 7 सुंदर ठिकाणांना नक्की भेट द्या

लहान मुलं उन्हाळ्याच्या सुट्ट्यांची आतुरतेने वाट पाहतात. कारण् शाळांना सुट्ट्या लागताच बाहेर फिरायला जाण्याचे प्लॅन करू लागतात. बहुतेक लोकं आल्हाददायक हवामान, हिरवीगार निसर्गरम्यता आणि कुटुंबासोबत निवांत क्षण घालवण्यासाठी शांत ठिकाणांच्या शोधात असतात. जर तुम्ही या उन्हाळ्यात तुमच्या मुलांसोबत फिरायला जाण्याचा करत असाल, तर नॉर्थ ईस्ट इंडियामधील ही सात सुंदर ठिकाणे उत्तम पर्याय ठरू शकतात. येथील थंड हवामान, नैसर्गिक सौंदर्य आणि शांत वातावरण तुमची सुट्टी अविस्मरणीय बनवेल.

1- शिलाँग:

या उन्हाळ्यात तुमच्या मुलांना मेघालयाची राजधानी शिलाँगला घेऊन जा. शिलाँगला ‘स्कॉटलंड ऑफ द ईस्ट’ म्हणूनही ओळखले जाते. उन्हाळ्याच्या दिवसांमध्ये येथील हवामान अत्यंत आल्हाददायक असते. तुम्ही तुमच्या मुलांसोबत आणि कुटुंबासोबत एलिफंट फॉल्स, उमियाम तलाव आणि आजूबाजूच्या प्रेक्षणीय स्थळांना भेट देऊ शकता. येथे तुम्ही निसर्गरम्य वातावरणात काही निवांत क्षण घालवू शकता.

2. चेरापुंजी

मेघालयामध्ये वसलेले चेरापुंजी, येथील हिरवीगार वनराई, ढगांनी वेढलेले डोंगर आणि लिविंग रूट ब्रिजसाठी प्रसिद्ध आहे. उन्हाळ्यात येथील हवामान फार उष्ण किंवा फार थंड नसते. त्यामुळे मुलांना फिरायला घेऊन जाण्याकरिता हे एक उत्तम ठिकाण आहे.

3. तवांग

अरुणाचल प्रदेशातील तवांग हे त्याच्या सुंदर दऱ्या आणि पर्वतांसाठी ओळखले जाते. उन्हाळ्यात कुटुंबासोबत भेट देण्यासाठी हे एक उत्तम ठिकाण आहे. येथील बर्फाच्छादित पर्वत, मठ आणि सुंदर तलाव हे पर्यटकांना सर्वांना मोहित करतात.

4.गंगटोक

सिक्कीमची राजधानी गंगटोक येथून तुम्ही कांचनजंगाच्या भव्य दृश्यांचा सहज आनंद घेऊ शकता. येथील हिरवीगार जंगले, मॉडर्न कॅफे आणि सूर्योदय पाहण्याची ठिकाणे हे पर्यटकांमध्ये लोकप्रिय आहेत.

5. पेलिंग

पेलिंग हे सिक्कीममधील सर्वात सुंदर थंड हवेच्या ठिकाणांपैकी एक आहे, येथील निसर्गरम्य दऱ्यांसाठी ते प्रसिद्ध आहे. येथून तुम्ही कांचनजुंगा शिखराची भव्य दृश्ये पाहू शकता. हे ठिकाण येथील शांत वातावरण आणि विस्मयकारक पर्वतीय दृश्यांसाठी ओळखले जाते.

6.काझीरंगा

मुलांना प्राणीसंग्रहालयाला भेट द्यायला आणि विविध प्रकारचे प्राणी पाहायला खूप आवडत असेल तर तुम्ही तुमच्या मुलांसोबत आसाममधील काझीरंगा राष्ट्रीय उद्यानाला भेट देऊ शकता. सफारीदरम्यान तुम्हाला अनेक दुर्मिळ प्राणी दिसू शकतात.

7. मिझोरामची राजधानी आयझॉल

टेकड्यांनी वेढलेले एक शांत शहर आहे. नैसर्गिक सौंदर्य, शांत वातावरण आणि आल्हाददायक हवामानासाठी प्रसिद्ध असलेले आयझॉल हे ठिकाणं उन्हाळ्याच्या महिन्यांत आपल्या मुलांसोबत भेट देण्यासाठी एक उत्तम ठिकाण आहे.

Source link