मराठी चित्रपटसृष्टीत आजही अजरामर ठरलेला चित्रपट म्हणजे 'अशी ही बनवाबनवी'. या चित्रपटातील प्रत्येक पात्र, संवाद आणि प्रसंग प्रेक्षकांच्या मनात घर करून आहेत. यामध्ये अभिनेत्री अश्विनी भावे यांनी साकारलेली भूमिका आणि त्यांची लिंबू रंगाची साडी आजही चाहत्यांच्या लक्षात आहे.
या चित्रपटानंतर अनेक वर्षे लोटली असली तरी अश्विनी भावे यांची लोकप्रियता अजिबात कमी झालेली नाही. उलट, काळानुसार त्यांचा लूक अधिकच आकर्षक आणि ग्रेसफुल झाला आहे. त्यांच्या व्यक्तिमत्त्वात एक वेगळीच क्लास आणि साधेपणा जाणवतो.
अश्विनी भावे सोशल मीडियावरही सक्रिय असून त्या वेळोवेळी आपले फोटो आणि व्हिडीओ चाहत्यांसोबत शेअर करत असतात. त्यांच्या अलीकडील छायाचित्रांमध्ये त्यांचा फिटनेस, नैसर्गिक सौंदर्य आणि स्टायलिश लूक स्पष्टपणे दिसून येतो.
वय वाढलं असलं तरी त्यांच्या चेहऱ्यावरची चमक आणि आत्मविश्वास आजही तितकाच टिकून आहे. विशेष म्हणजे, त्या आजही पारंपरिक आणि आधुनिक अशा दोन्ही लुकमध्ये सहजपणे दिसतात.
दरम्यान, ‘अशी ही बनवाबनवी’मधील त्यांच्या प्रसिद्ध सीनबाबत बोलताना त्यांनी अशोक सराफ यांना त्याचे श्रेय दिले होते. या त्यांच्या साधेपणामुळे आणि सहकलाकारांप्रती असलेल्या आदरामुळे प्रेक्षकांचा त्यांच्याविषयीचा सन्मान आणखी वाढला आहे.
Leave a Reply