Iran Israel War : इराण आणि इस्रायल यांच्यातील युद्ध सध्याच थांबण्याची शक्यता नाही. दिवसेंदिवस हे युद्ध आणखी भीषण होत चालले आहे. अमेरिकादेखील या युद्धात सहभागी असल्याने मोठा नरसंहार होताना पाहायला मिळतोय. अमेरिकेवर दबाव वाढावा म्हणून इराणने होर्मुझची सामुद्रधुनी बंद केलेली आहे. या समुद्रधुनीतून नैसर्गिक वायू, कच्च्या तेलाचा वैश्विक पुरवठ्याच्या तुलनेत एकूण 20 टक्के पुरवठा याच सामुद्रधुनीतून होतो. त्यामुळे भारतासह अनेक देशांवर उर्जासंकट निर्माण झाले आहे. इराणने हा जलमार्ग लवकरात लवकर खुला करावा यासाठी अमेरिकेकडून इराणवर दबाव टाकला जात आहे. असे असतानाच आता इराणे या जलमार्गाबाबत आपले स्पष्टीकरण दिले आहे. हा जलमार्ग नेमका कोणासाठी खुला असेल, याबाबतची भूमिका इराणने स्पष्ट केली आहे.
इराणने नेमकी काय भूमिका घेतली?
इराणचे प्रतिनिधी अली मौसावी यांनी संयुक्त राष्ट्रांच्या आंतरराष्ट्रीय सागरी संगटनेपुढे (आयएमओ) भूमिका स्पष्ट केली आहे. त्यांनी इराणचे शत्रू वगळता इतर सर्व देशांची जहाजे आम्ही या मार्गाने जाऊ देऊ, असे आयएमओला सांगितले आहे. इराणची ही भूमिका समोर येण्याआधी अमेरिकेचे राष्ट्राध्यक्ष डोनाल्ड ट्रम्प यांनी इराणला खुली धमकी दिली होती. 48 तासांच्या आता इराणने होर्मुझची सामुद्रधुनी खुली न केल्यास आम्ही त्यांच्या वीजनिर्मिती केंद्रांवर हल्ले करू, असा रोखठोक इशारा डोनाल्ड ट्रम्प यांनी दिला होता.
आम्ही आमचे सहकार्य यापुढेही चालूच ठेवू
अली मौसावी हे ब्रिटमध्ये इराणचे राजदूत राहिलेले आहेत. आम्ही सागरी सुरक्षा वाढवण्यासाठी तसेच सागरी प्रवासाची सुरक्षा वृद्धींगत करण्यासाठी आयएमओ सोबत काम करण्यास तयार आहोत. आम्ही आमचे सहकार्य यापुढेही चालूच ठेवू. आमच्या शत्रूंची नसलेली आणि आमच्या सुरक्षा, संरक्षण व्यवस्थेशी समन्वय साधणारी जहाजे या मार्गाने जाऊ शकतात, असेही मौसावी यांनी स्पष्ट केले.
दरम्यान, इराणची ही भूमिका म्हणजे थेट अमेरिकेला विरोध असल्याचे बोलले जात आहे. त्यामुळे आता अमेरिका नेमकी काय भूमिका घेणार? याकडे सर्वांचेच लक्ष लागले आहे.
Leave a Reply