Thailand Alcohol : थायलंडमध्ये दुपारी 2 ते संध्याकाळी 5 वाजेपर्यंत दारू विक्रीवर बंदी होती. हा नियम पाच दशकांहून अधिक काळ टिकला. मात्र, नोव्हेंबर 2025 मध्ये, थायलंड सरकारने पर्यटन उद्योगाला दिलासा देण्यासाठी दुपारी दारु पिण्याचे निर्बंध काही प्रमाणात शिथिल केले.पण प्रश्न असा उपस्थित होतो की, असा नियम का तयार करण्यात आला आणि त्यामागील कारण काय होतं? चला जाणून घेऊया.
का बनवण्यात आला असा नियम…
1972 मध्ये थायलंडमध्ये दुपारी दारू बंदीचा नियम लगू करण्यात आला. त्यावेळी थायलंडमध्ये लष्करी राजवट होती. प्रशासनाचा असा विश्वास होता की दिवसा अनियंत्रित मद्यपान उत्पादकतेवर परिणाम करत आहे. याचा परिणाम सरकारी कर्मचाऱ्यांवर अधिक पडत होता. कामाच्या वेळेत अधिकाऱ्यांचं लक्ष केंद्रित राहावं यासाठी, सरकारने दुपारी दारुची विक्री बंद करण्याची विशिष्ट वेळ निश्चित केली आहे. सार्वजनिक कल्याणच्या हेतूने नियम लागू करण्यात आला होता.
सामाजिक सुव्यवस्था राखणे
कामाच्या ठिकाणाच्या चिंतांव्यतिरिक्त, सरकारने सामाजिक सुव्यवस्था राखण्यासाठी दुपारच्या वेळी दारु बंदीचा निर्णय घेतला. दिवसा मद्यपान केल्याने अनेकदा सार्वजनिक गोंधळ आणि किरकोळ गुन्हेगारी घटना घडत होत्या. अशात दुपारी दारु बंदी केल्यामुळे अशा घटना घडणार नाहीत, असे तेथील सरकारचे विचार होते.
पर्यटनाचा दबाव आणि बदलतं दृष्टिकोन
आता, थायलंडमध्ये पर्यटकांची संख्या देखील दिवसाणिक वाढत आहे. त्यामुळे वाढत्या पर्यटनाचा विचार करत हॉस्पिटॅलिटी सेक्टरने नियमाचा पुनर्विचार करण्यासाठी दबाव आणण्यास सुरुवात केली. पर्यटकांनी या बंदीवर प्रश्नचिन्ह उपस्थित केलं आणि अनेक व्यवसायांनी असा युक्तिवाद केला की यामुळे गोंधळ निर्माण झाला आणि ग्राहकांचा ओघ विस्कळीत झाला.
सुरुवातीला अशी भीती होती की बंदी उठवल्याने सामाजिक शिस्तीवर नकारात्मक परिणाम होऊ शकतो, परंतु सरकारला हळूहळू लक्षात आलं की पर्यटन उत्पन्नावर मोठ्या प्रमाणात अवलंबून असलेल्या देशात दारु बंदी हा नियम फार जुना झाला आहे. नोव्हेंबर 2025 मध्ये थायलंड सरकारने या बंदीचा आढावा घेतला आणि काही आवश्यक बदल लागू केले. दुपारी 2 ते संध्याकाळी 5 वाजेपर्यंत दारू विक्री पुन्हा सुरू करण्याची परवानगी आहे. ही परवानगी परवानाधारक हॉटेल्स, रिसॉर्ट्स आणि मनोरंजन स्थळांना देण्यात आली आहे.
Leave a Reply