राष्ट्रवादी काँग्रेसच्या नेत्या सुप्रिया सुळे यांनी भारतीय जनता पक्षाच्या सरकारवर पैशांच्या गैरवापराचे गंभीर आरोप केले आहेत. “जिथे भाजपचे सरकार आहे तिथे पैसे पाण्यासारखे वाटले जातात,” असे विधान करत त्यांनी नोटबंदीच्या घोषणेनंतरही महाराष्ट्रात मोठ्या प्रमाणात रोख रक्कम कशी फिरत आहे, यावर प्रश्नचिन्ह उपस्थित केले. तर एका मंत्र्याच्या घरी सापडलेल्या रकमेचा तपास आणि निलेश राणे यांनी पकडलेल्या पैशांवर दाखल झालेल्या गुन्ह्याच्या संदर्भात त्यांनी चिंता व्यक्त केली.
सुप्रिया सुळे यांनी महाराष्ट्रातील वाढत्या समस्यांवरही प्रकाश टाकला. महिलांवरील अत्याचार, मुलींच्या आत्महत्या आणि शेतकरी आत्महत्या या घटनांना त्यांनी महाराष्ट्राच्या इतिहासातील काळा दिवस असे संबोधले. त्यांनी उपमुख्यमंत्री देवेंद्र फडणवीस यांना राज्यातील या गंभीर परिस्थितीवर लक्ष देण्याचे आवाहन केले. याव्यतिरिक्त, त्यांनी शेतकऱ्यांच्या मदतीच्या मुद्यावरही सरकारवर टीका केली, केंद्र सरकारला चुकीची माहिती दिल्याचा आरोप करत शेतकऱ्यांची फसवणूक केली जात असल्याचे म्हटले.
Leave a Reply