पुण्यात कोयता गँगनं चांगलाच धुडगूस घातल्याचे काही व्हिडीओ सोशल मीडियावर व्हायरल होताना दिसताय. सिगारेट फुकट न दिल्याच्या रगातून कोयता गँगनं पुण्यातील विमाननगर परिसरातील पान टपरी चालकावर हल्ला करत त्याच्या पान टपरीती तोडफोड केली. तर गेल्या काही दिवसांपूर्वी एका बारमध्ये कोयता गँगने चांगलीच लूटमार केल्याचा प्रकार पाहायला मिळाला होता. विमाननगरमध्ये कोयता गँगने एका पान टपरी व्यवसायिकावर हल्ला केल्यानं परिसरात एकच खळबळ उडाली आहे. हा हल्ला फुकट वस्तू मिळवण्याच्या उद्देशाने करण्यात आला होता. पाच ते सहा जणांच्या टोळक्याने दुकानावर येऊन वस्तू मागितल्या; दुकानदार देत असतानाच एका आरोपीने कोयता काढून दुकान फोडायला सुरुवात केली. या टोळक्यात काही आरोपी अल्पवयीन असल्याचे सांगितले जात आहे. घटनेनंतर व्यापारी आणि नागरिकांमध्ये भीतीचे वातावरण निर्माण झाले असून, नागरिकांनी गुन्हेगारांना कठोर शिक्षा व्हावी अशी मागणी पोलीस खात्याकडे केली आहे.
Leave a Reply