नगरपरिषद निवडणुकीच्या प्रचारादरम्यान महाराष्ट्रातील काही प्रमुख नेत्यांनी केलेल्या वक्तव्यांमुळे सध्या राज्याच्या राजकारणात मोठी खळबळ उडाली आहे. या नेत्यांनी केलेल्या बेताल विधानांवरून टीका होत आहे. शिवसेनेचे नेते गुलाबराव पाटील यांनी प्रचारसभेत लक्ष्मी दर्शन या शब्दाचा वापर करून पैसे वाटपावर भाष्य केले. नंतर त्यांनी स्पष्टीकरण देताना लक्ष्मी म्हणजे आई-बहीण असे म्हटले, परंतु हे स्पष्टीकरणही वादाचे कारण ठरले. महिला नेत्यांनी त्यांच्या वक्तव्यावर तीव्र आक्षेप नोंदवला आहे.
दुसरीकडे, भाजप आमदार आशिष देशमुख यांनी काँग्रेसच्या स्थानिक नेत्यांना थेट कापून टाकू असा दम दिला. तर, गिरीश महाजन यांनी कामगारांना मिळालेल्या सोयीसुविधांचा उल्लेख करताना काही वक्तव्ये केली, ज्यावरही चर्चा सुरू आहे. राष्ट्रवादी काँग्रेसचे नेते अजित पवार यांनी एका महिला उमेदवाराला लव्ह मॅरेजबाबत थेट प्रश्न विचारल्याने त्यांच्यावरही टीका झाली आहे. या सर्व वक्तव्यांमुळे निवडणुकीच्या वातावरणातील शाब्दिक मर्यादांबाबत प्रश्न उपस्थित झाले आहेत.
Leave a Reply