महापालिका निवडणुकीसाठी उमेदवारी अर्ज दाखल करण्याचा आज शेवटचा दिवस असताना सर्वच प्रमुख नेत्यांनी आघाडी- युतीसाठी रात्री उशिरापर्यंत चर्चेचं गुऱ्हाळ सुरू ठेवलं. मुंबई महापालिकेसाठी कॅांग्रेस – वंचितची आघाडी वगळता राज्यातील सर्व २९ महापालिकांमध्ये शेवटपर्यंत जागावाटपाचा घोळ सुरु होता. एका जागेसाठी अनेक इच्छुक उमेदवार असल्याने नाराजी दूर करण्यासाठी पक्षाच्या नेत्यांची कसरत सुरू होती. मुंबई महानगरपालिका निवडणुकीसाठी भाजप आणि शिवसेना शिंदे गटात रात्री उशिरा जागा वाटपावर शिक्कामोर्तब झाल्याचं सांगण्यात आलं. मुंबईत भाजप १३७ तर शिवसेना शिंदे गट ९० जागा लढवणार आहे. उपमुख्यमंत्री एकनाथ शिंदे यांनी ९५ ते १०० जागांचा आग्रह धरला होता. तर भाजपने १४० जागा लढवण्याचा निश्चय केला होता. भाजप शिवसेनेत जोरदार रस्सीखेच झाल्यानंतर जागावाटपाचं सूत्र अखेर निश्चित करण्यात आलं. यासह राज्यातील, देशविदेशातील इतर अपडेट्स जाणून घेण्यासाठी हा ब्लॉग फॉलो करा.
Leave a Reply