अरुणाचल प्रदेश : चीनच्या सीमेला लागून असलेले हे राज्य पूर्णपणे 'इनर लाईन परमिट'च्या कक्षेत येते. तवांग, झिरो व्हॅली किंवा नामदफा नॅशनल पार्क यांसारख्या प्रसिद्ध पर्यटन स्थळांना भेट देण्यासाठी भारतीयांना ऑनलाइन किंवा ऑफलाइन परवाना घेणे गरजेचे आहे.
नागालँड : नागालँडमधील समृद्ध आदिवासी संस्कृती आणि पारंपारिक वारशाचे जतन करण्यासाठी येथे प्रवेशावर निर्बंध आहेत. कोहिमा किंवा हॉर्नबिल फेस्टिव्हलसाठी जाताना परमिट घ्यावे लागते.
मिझोराम : ईशान्य भारतातील हे राज्य म्यानमार आणि बांगलादेशच्या सीमेजवळ आहे. येथील शांतता आणि स्थानिक संस्कृती टिकवण्यासाठी बाहेरील भारतीयांना ILP घ्यावा लागतो. हे परमिट ठराविक कालावधीसाठीच वैध असते.
मणिपूर : मणिपूरमध्ये 2025 पासून 'इनर लाईन परमिट' लागू करण्यात आले आहे. इम्फाळ किंवा लोकतक तलावाला भेट देण्यासाठी प्रवाशांना अधिकृत पोर्टलवरून नोंदणी करून परवानगी मिळवावी लागते.
लक्षद्वीप बेटे : अरबी समुद्रातील ही सुंदर बेटे अतिशय संवेदनशील मानली जातात. तेथील पर्यावरण आणि स्थानिक लोकसंख्येचे संरक्षण करण्यासाठी पर्यटकांना पोलिसांकडून क्लिअरन्स सर्टिफिकेट आणि परमिट घ्यावे लागते. तसेच लडाखमधील काही भाग, सिक्कीममधील उत्तर आणि पूर्व भाग, अंदमान आणि निकोबारमधील आदिवासी क्षेत्र, हिमाचल प्रदेशातील काही भागात जाण्यासाठी परवानगी आवश्यक आहे.
Leave a Reply