शिवसेना शिंदे गटाचे सांगोल्याचे माजी आमदार शहाजी बापू पाटील यांच्या कार्यालयावर आज छापा मारण्यात आला. निवडणूक आयोगाच्या पथकाने ही कारवाई केली. यावेळी रेकॉर्डिंग सुद्धा करण्यात आलं. यावर उपमुख्यमंत्री एकनाथ शिंदे यांनी ‘चौकशी होईल, त्यामध्ये एवढं सिरीयस घेण्यासारखं काही नाही’ असं सांगितलं. शहाजी बापू पाटील हे राज्यातील सत्ताधारी पक्षाशी संबंधित आहेत. त्यामुळे खळबळ उडाली. शहाजी बापू पाटील यांनी भाजपा विरोधात भूमिका घेऊन सातत्याने टीका करण्याचा धडाका लावला होता.
एकाच हॉटेलमध्ये असून देवेंद्र फडणवीस यांच्याशी भेट झाली नाही. त्यावर “मी अगोदर आलो होतो, मुख्यमंत्री नंतर आले. पैठणमध्ये दोघांच्याही सभा आहेत. फोनवर आमची चर्चा होत असते. आमची चर्चा रोज चालू असते” असं उत्तर एकनाथ शिंदे यांनी दिलं. महायुतीमधील आरोप-प्रत्यारोपावर विचारलेल्या प्रश्नावर ते म्हणाले की, “आरोप-प्रत्यारोप मी आणि मुख्यमंत्र्यांनी केलेत का? ही स्थानिक पातळीवरील निवडणूक आहे. स्थानिक प्रश्न वेगळे असतात, ही कार्यकर्त्यांची निवडणूक आहे. डेव्हलपमेंटवर आमचा प्रचार सुरू आहे”
दुर्देवाने तशी घटना घडली आहे
काही ठिकाणी निवडणुका स्थगित झाल्या, त्यावर एकनाथ शिंदे म्हणाले की, “निवडणुका प्रक्रिया पूर्ण झाली. त्यानंतर निवडणुका कधीही थांबवल्या जात नाहीत. पण यावेळेस निवडणुका थांबवल्या गेल्या, त्यावर मी पूर्ण माहिती घेऊन बोलेन” “निवडणूक प्रक्रिया पूर्ण झाल्यावर कधीही निवडणूक अशा पद्धतीने थांबवल्या जात नाहीत. पण दुर्देवाने तशी घटना घडली आहे. त्याची मी माहिती घेतो” असं एकनाथ शिंदे म्हणाले.
35 आमदार फुटणार असा दावा
संजय राऊत यांनी 35 आमदार फुटणार असा दावा केला, त्यावर एकनाथ शिंदे यांनी ‘हात जोडले आणि हसले, त्यानंतर मी त्यांच्या तब्येतीसाठी शुभेच्छा देतो” एवढीच त्यांनी प्रतिक्रिया दिली.
एकनाथ शिंदे चिडले
पैठणमध्ये एकनाथ शिंदे एका सभेदरम्यान चिडले. एकनाथ शिंदे खासदार आणि कार्यकर्त्यावर चिडल्याचे पहायला मिळालं. भाषणाला उशीर होत असून लवकर भाषण घ्यावे यासाठी शिंदे चिडले. पैठण येथील प्रचार सभेसाठी एकनाथ शिंदे आले असता चिडल्याचं पहायला मिळालं. जलद भाषण करण्यासाठी केला आग्रह.
Leave a Reply