मुख्यमंत्री देवेंद्र फडणवीस यांनी वर्धा जिल्ह्यामध्ये ४०० खाटांचे रुग्णालय आणि वैद्यकीय महाविद्यालय उभारणीचा आढावा घेतला. या प्रकल्पाच्या मंजुरीमध्ये स्थानिक नेते समीर भाऊ यांच्या अथक पाठपुराव्याचे मोठे योगदान असल्याचे फडणवीस यांनी नमूद केले. सुरुवातीला ४०० खाटांच्या रुग्णालयाची अट पूर्ण केल्यानंतरच वैद्यकीय महाविद्यालयाला हिरवा कंदील मिळाला, असे ते म्हणाले. या निवडणुकीनंतर रुग्णालयाच्या भूमिपूजनासाठी उपस्थित राहणार असल्याचे फडणवीस यांनी सांगितले.
यावेळी, त्यांनी महात्मा फुले जन आरोग्य योजनेच्या यशस्वी अंमलबजावणीवरही भाष्य केले. या योजनेद्वारे नागरिकांना पाच लाखांपर्यंतचे मोफत उपचार उपलब्ध करून देण्यात येत आहेत. यात रेशन कार्ड किंवा इतर कागदपत्रांची अट नाही. सध्या १३०० आजारांवर उपचार दिले जात असले तरी, अधिक महत्त्वाच्या आजारांचा समावेश करून योजनेचा विस्तार करण्याची शासनाची योजना आहे, असे फडणवीस यांनी स्पष्ट केले.
Leave a Reply