OnePlus ने त्यांचा नवीन प्रीमियम मिड-रेंज स्मार्टफोन OnePlus 15R भारतात विक्रीसाठी उपलब्ध करून दिला आहे. हा फोन पॉवरफूल 7,400mAh बॅटरी, 165Hz AMOLED डिस्प्ले आणि नवीनतम स्नॅपड्रॅगन 8 Gen 5 प्रोसेसरसह येतो. कंपनी या फोनची कार्यक्षमता आणि दीर्घकालीन वापर लक्षात घेऊन त्याची व्यवस्था करत आहे. पहिल्या सेलमध्ये फोनवर 7 हजार रूपयांची थेट सूट मिळत आहे. चला तर मग आजच्या लेखात आपण ऑफर्स, किंमत आणि वैशिष्ट्यांबद्दल अधिक जाणून घेऊयात.
OnePlus 15R ची भारतातील किंमत आणि उपलब्धता
भारतात OnePlus 15R ची किंमत 47,999 पासून सुरू होते. या किमतीत 12GB RAM आणि 256GB स्टोरेज व्हेरिएंट उपलब्ध आहे. 12GB RAM आणि 512GB स्टोरेज व्हेरिएंटची किंमत 52,999 आहे. हा फोन चारकोल ब्लॅक, मिंट ब्रीझ आणि इलेक्ट्रिक व्हायलेट रंगात उपलब्ध आहे. ग्राहक वर्ग हा फोन OnePlus च्या अधिकृत वेबसाइट, Amazon आणि ऑफलाइन रिटेल स्टोअर्समधून खरेदी करू शकतात.
लाँच ऑफर्स आणि वॉरंटी तपशील
कंपनी एचडीएफसी बँक आणि अॅक्सिस बँक क्रेडिट कार्ड पेमेंटवर 3 हजार रुपयांपर्यंतची त्वरित सूट देत आहे. याव्यतिरिक्त निवडक कार्ड्सवर सहा महिन्यांपर्यंत नो-कॉस्ट ईएमआय पर्याय आहे. वनप्लस 15आर मध्ये 180 दिवसांचा फोन रिप्लेसमेंट प्लॅन आणि आजीवन डिस्प्ले वॉरंटी देखील आहे, ज्यामुळे हा स्मार्टफोन खरेदी करण्यासाठी आणखी आकर्षक बनतो.
डिस्प्ले आणि परफॉर्मन्समध्ये काय खास आहे?
OnePlus 15R मध्ये 6.83-इंचाचा फुल एचडी प्लस AMOLED डिस्प्ले आहे ज्याचा रिफ्रेश रेट 165Hz आणि ब्राइटनेस 1800 nits पर्यंत आहे. हा फोन 3nm तंत्रज्ञानावर बनवलेला स्नॅपड्रॅगन 8 Gen 5 प्रोसेसरने सुसज्ज आहे, जो 12GB LPDDR5x रॅम आणि UFS 4.1 स्टोरेजसह येतो. हा स्मार्टफोन अँड्रॉइड 16 वर आधारित OxygenOS 16 वर चालतो, जो चार प्रमुख OS अपडेट्स आणि सहा वर्षांच्या सुरक्षा अपडेट्सचे आश्वासन देतो.
कॅमेरा, बॅटरी आणि कनेक्टिव्हिटी वैशिष्ट्ये
या फोनमध्ये OIS सह 50-मेगापिक्सेलचा Sony IMX906 प्रायमरी कॅमेरा आहे आणि तो 120fps वर 4K व्हिडिओ रेकॉर्डिंगला सपोर्ट करतो. याच्यासोबत 8-मेगापिक्सेलचा अल्ट्रा-वाइड कॅमेरा आणि 32-मेगापिक्सेलचा फ्रंट कॅमेरा आहे. OnePlus 15R मध्ये 80W फास्ट चार्जिंगला सपोर्ट असलेली 7,400mAh ची मोठी सिलिकॉन-कार्बन बॅटरी आहे. कनेक्टिव्हिटी पर्यायांमध्ये 5G, वाय-फाय 7, ब्लूटूथ 6.0 आणि IP66, IP68 आणि IP69 रेटिंगचा समावेश आहे, ज्यामुळे हा फोन धूळ आणि पाण्यापासून वाचू शकतो.
Leave a Reply