आत नवे वर्ष अवघ्या काही दिवसांवर येऊन ठेपले आहे. या नव्या वर्षानिमित्त अनेकजण वेगवेगळे संकल्प करतात. नव्या वर्षाच्या निमित्ताने काही लोक शिवलिंगाची स्थापना करतात. याच पार्श्वभूमीवर घरात शिवलिंगाची स्थापना करताना नेमकं काय केलं जावं, हे जाणून घेऊ या…
हिंदू धर्मात शिवलिंगाला भगवान शिवाचे दिव्य प्रतिक मानले जाते. शिवलिंगाची नियमित पूजा केल्यावर घरातीलं संकटं दूर होतात, अशी मान्यता आहे. त्यामुळेच अनेकजण घरात शिवलिंगाची स्थापना करतात. तुम्हीदेखील नव्या वर्षात घरात शिवलिंगाची स्थापना करत असाल तर काही गोष्टींची काळजी घेणे गरजेचे आहे.
तसं पाहायचं झालं तर घरात शिवलिंगाची स्थापना करू नये, असे म्हटले जाते. तरीदेखील तुम्ही घरात शिवलिंग ठेवत असाल तर त्याचा आकार अंगठ्यापेक्षा मोठा नसावा. घरात शिवलिंगाची स्थापना करताना देवी पार्वती, कार्तिकेय स्वामी, नंदीचीही छोटी प्रतिमा सोबत ठेवावी. शिवाच्या परिवाराची सोबत पूजा केल्यावर लवकर फळ मिळते, असे म्हटले जाते.
वास्तूशास्त्रानुसार शिवलिंग उत्त-पूर्व दिशेला ठेवावे. हा नियम पाळल्यास घरात शांतता नांदते, असे म्हटले जाते. घरात फक्त एकच शिवलिंग असावे. घरात एकापेक्षा अधिक शिवलिंग असतील तर उर्जेचे संतुलन बिघडते. मानसिक अशांतीचे हे कारण बनू शकते. घरात सोने, तांबे, चांदीचे शिवलिंग असेल तर खूप चांगली बाब असते.
Disclaimer: वरच्या लेखातील माहिती ही प्राथमिक स्वरुपाची आहे. आम्ही या माहितीची पुष्टी करत नाही किंवा समर्थनही देत नाही. या लेखाच्या माध्यमातून अंधश्रद्धा पसरवण्याचा आमचा उद्देश नाही. वरच्या लेखात दिलेल्या माहितीवरून कोणताही निर्णय घेण्याआधी त्या-त्या क्षेत्रातील तज्ज्ञांचा सल्ला आवश्य घ्या.
Leave a Reply